नवी दिल्ली : भारतीय संघ जुलै महिन्यात श्रीलंकेच्या दौऱ्यावर जाणार आहे. पण या दौऱ्यात भारताचे महत्वाचे खेळाडू जाऊ शकणार नाहीत. त्यामुळे या दौऱ्यात भारतातील युवा खेळाडूंना नक्कीच चांगली संधी मिळू शकते. श्रीलंकेच्या दौऱ्यात कोणत्या खेळाडूंना संधी मिळू शकते, याची यादीच आता तयार करण्यात येत आहे. सलामीसाठी कोण असतील पर्याय...श्रीलंकेच्या दौऱ्यासाठी सलामीसाठी आता चांगले पर्याय उपलब्ध असतील. पृथ्वी शॉ हा आयपीएलमध्ये चांगल्या फॉर्मात होता, त्यामुळे त्याला या दौऱ्यात संधी मिळू शकते. त्याचबरोबर पुण्याचा ऋतुराज गायकवाड आणि देवदत्त पडीक्कल हे चांगले पर्याय भारतीय सलामीसाठी उपलब्ध असतील. त्याचबरोबर जर अनुभवी सलामीवीर हवा असेल तर शिखर धवनचा पर्यायही संघासाठी खुला असेल. मधल्या फळीत कोणला मिळू शकते संधी,पाहा...मधल्या फळीत आतापर्यंत सूर्यकुमार यादव, इशान किशन, मनीष पांडे यांनी चांगली कामगिरी केली आहे. त्यामुळे त्यांच्या नावाचा नक्कीच विचार केला जाईल. त्याचबरोबर यष्टीरक्षक आणि धडाकेबाज फलंदाज संजू सॅमसनलाही यावेळी भारतीय संघाचे दरवाजे पुन्हा एकदा उघडले जाऊ शकतात. हे अष्टपैलू खेळाडू होऊ शकतात संघात सहभागीश्रीलंकेच्या दौऱ्यासाठी काही महत्वाच्या अष्टपैलू खेळाडूंनाही यावेळी संधी मिळू शकते. अष्टपैलू खेळाडूंमध्ये यावेळी कृणाल पंड्या, राहुल तेवातिया, शिवम दुबे, विजय शंकर आणि हार्दिक पंड्याला संघात स्थान मिळू शकते, असे सध्याच्या घडीला तरी दिसत आहे. हे फिरकीपटू असू शकतात भारतीय संघातभारतीय संघात यावेळी काही फिरकीपटूंनाही संधी मिळू शकते. श्रीलंकेच्या दौऱ्यासाठी भारतीय संघात युजवेंद्र चहल, कुलदीप यादव, राहुल चहर आणि वरुण चक्रवर्ती यांना संधी मिळण्याची दाट शक्यता आहे. वेगवान गोलंदाजांची ही फळी असू शकते...श्रीलंकेच्या दौऱ्यासाठी काही वेगवान गोलंदाजांना यावेळी चांगली संधी मिळू शकते. यामध्ये भुवनेश्वर कुमार, नवदीप सैनी, दीपक चहर यांचा समावेश करण्यात येऊ शकतो. त्याचबरोबर यावर्षी आयपीएलमध्ये दमदार कामगिरी करणाऱ्या हर्षल पटेल, चेतन साकरिया, खलील अहमद आणि जयदेव उनाडकट यांनाही यावेळी संधी मिळू शकते. या दौऱ्यात तीन वनडे आणि तीन ट्वेन्टी-२० सामने खेळण्यात येणार असून १३ जुलैला या दौऱ्याची सुरुवात होईल, असे दिसते आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2Q6pLmk
No comments:
Post a Comment