नवी दिल्ली: ऑस्ट्रेलियाचा संघ वेस्ट इंडिजच्या दौऱ्यावर जाणार आहे. यासाठी २३ जणांच्या संघाची घोषणा करण्यात आली असून स्टीव्ह स्मिथ, डेव्हिड वॉर्नर आणि पॅट कमिंन्स यांचा संघात समावेश झाला आहे. पण मधळ्या फळीतील मार्नस लाबुशेन याला संघात स्थान देण्यात आले नाही. ऑस्ट्रेलियाच्या संघात एक भारतीय कनेक्शन असलेल्या खेळाडूचा समावेश आहे. भारतीय वंशाचा १९ वर्षीय तनवीर संघ याची निवड करण्यात आली आहे. मार्च महिन्यात न्यूझीलंड दौऱ्यावर जाऊ न शकलेल्या स्मिथ, वॉर्नर आणि कमिंन्स हे संघात परतले आहे. त्यांची दक्षिण आफ्रिका दौऱ्यासाठी निवड झाली होती. पण तो दौरानंतर रद्द करण्यात आला होता. वाचा- लाबुशेन इंग्लंडमधील क्वारंटाइन नियमामुळे वेल्स येथे काउंटी संघ ग्लेमॉर्गन सोबत असेल. ऑस्ट्रेलिया क्रिकेटने दिलेल्या माहितीनुसार लाबुशेन कसा खेळाडू आहे हे सर्वांना माहिती आहे. पण परिस्थितीमुळे त्याला संघात घेण्यात आले नाही. वाचा- ऑस्ट्रेलिया संघातील भारतीय कनेक्शन वेस्ट इंडिज दौऱ्यासाठी निवडण्यात आलेल्या ऑस्ट्रेलिया संघात भारतीय वंशाचा १९ वर्षीय युवा क्रिकेटपटू () याची निवड करण्यात आली आहे. तन्वीरला वयाच्या १९व्या वर्षी ऑस्ट्रेलियाच्या संघात संधी मिळाली आहे. यावरून तो किती दर्जेदार खेळाडू आहे हे लक्षात येते. ऑस्ट्रेलिया सारख्या संघात इतक्या कमी वयात संधी मिळणे ही सोपी गोष्ट नसते. वाचा- १९ वर्षाखालील वर्ल्डकपमध्ये शानदार कामगिरी तन्वीरने दोन वर्षापूर्वी दक्षिण आफ्रिकेत झालेल्या १९ वर्षाखालील वर्ल्डकप स्पर्धेत शानदार कामगिरी केली होती. तेव्हा ऑस्ट्रेलियाचा संघ भलेही वर्ल्डकप जिंकू शकला नसला तरी तन्वीरने सर्वाधिक १५ विकेट घेतल्या होत्या. त्यानंतर तो ऑस्ट्रेलियाच्या निवड समितीच्या नजरेत आला. वडील टॅक्सी चालत तन्वीरचे वडील जोगा संघा यांची स्टोरी एखाद्या चित्रपटाला शोभेल अशी आहे. जोगा १९९७ साली ऑस्ट्रेलियात शिक्षणासाठी गेले होते. त्यानंतर ते तेथेच स्थाइक झाले. ते सिडनी शहराच्या दक्षिण पश्चिम परिसरात राहतात आणि टॅक्सी चालक म्हणून काम करतात. त्यांची पत्नी अकाउंटट आहे. वाचा- तन्वीरची ऑस्ट्रेलिया संघात निवड झाल्याने जोगा संघा यांना अभिमान वाटत आहे. त्याच बरोबर भारतीय क्रिकेट चाहते देखील त्याच्या निवडीबद्दल खुश आहेत. आता भारतीय चाहत्यांना प्रतिक्षा असेल ती तन्वीर कधी एकदा आयपीएलमध्ये खेळण्यास येतोय याची...
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3eT8JSq
No comments:
Post a Comment