नवी दिल्ली : ऑस्ट्रेलियाच्या ज्या क्रिकेटपटूने विश्वचषक हातामध्ये उचलला आता त्याच्यावरच पोट भरण्यासाठी सुतार काम करण्याची वेळ आली आहे. एकेकाळी ऑस्ट्रेलियाच्या संघातील तो महत्वाचा खेळाडू होता. पण क्रिकेट सुटल्यावर आता त्याला पोट भरण्यासाठी सुतारकाम करायची वेळ आली आहे. या खेळाडूचा व्हिडीओ सध्याच्या घडीला क्रिकेट विश्वात चांगलाच व्हायरल झाला आहे. या व्हिडीओमध्ये आपल्यावर कशी वेळ आली आहे, हे या क्रिकेटपटूने सांगितले आहे. ऑस्ट्रेलियाने २०१५ साली विश्वचषक जिंकला होता. त्यावेळी ऑस्ट्रेलियाच्या संघात झेव्हियर डोहर्टी हा संघात महत्वाचा खेळाडू होता. पण त्यानंतर डोहर्टीने २०१७ साली क्रिकेटमधून निवृत्ती घेतली आणि त्यानंतर त्याचे वाईट दिवस सुरु झाले. एकेकाळी ऑस्ट्रेलियाच्या संघातील महत्वाचा फिरकीपटू असलेला डोहर्डी आता आपला उदरनिर्वाह चालवण्यासाठी चक्क सुतार काम करत आहे. क्रिकेट सुटल्यानंतर तब्बल १२ महिने त्याच्या हाताला काहीच काम नव्हते. त्यानंतर मिळेल ते काम तो करत होता. पण त्यामधून त्याला जास्त पैसे मिळत नव्हते. त्यानंतर त्याने सुतार काम शिकून घेतलं आणि आता तो हेच काम कताना दिसत आहे. डोहर्टीने २०१० साली ऑस्ट्रेलियाकडून पदार्पण केले होते. सात वर्षे तो ऑस्ट्रेलियाच्या संघाकडून खेळला. पण क्रिकेट सोडल्यावर मात्र उदरनिर्वाहाचा प्रश्न त्याला भेडसावू लागला. आर्थिक विवंचना जाणवू लागली. त्यामुळे आता काय करायचे, हा प्रश्न त्याच्यापुढे पडला होता. पोटाची खळगी भरण्यासाठी त्याने सुतार काम करायचे ठरवले आणि हे काम करून तो आपले पोट भरत आहे. त्यामुळे कधी कोणावर काय वेळ येईल, हे सांगता येणं कठीण आहे. डोहर्टीने यावेळी सांगितले की, " जेव्हा तुमचं क्रिकेट संपतं तेव्हा तुम्हाला कळतं की आता पैसे तुमच्याकडे कसे येणार. आता आपलं पुढे काय होणार, हे प्रश्न तुम्हाला सातवत असतात. ऑस्ट्रेलियाच्या क्रिकेटर्स असोसिएशनमधील व्यवस्थापक कार्ला यांनी मला या पडत्या काळात मदत केली. त्यांनी मला काही पैसे दिले आणि त्यामुळेच मी या गोष्टी शिकू शकलो. सध्याच्या घडीला हे सुतार काम करून मी माझे पोट भरत आहे." डोहर्टीने २०१० साली ऑस्ट्रेलियाकडून खेळायला सुरुवात केली आणि त्याच्या नावावर ६० एकदिवसीय, ११ ट्वेन्टी-२० आणि चार कसोटी सामने आहेत. डोहर्टीने एकदिवसीय सामन्यांमध्ये ५५, ट्वेन्टी-२० सामन्यात १० आण कसोटी क्रिकेटमध्ये ७ विकेट्स मिळवले होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3oCFHK3
No comments:
Post a Comment