लंडन: भारत आणि न्यूझीलंड यांच्यात पुढील महिन्यात आयसीसी वर्ल्ड टेस्ट चॅम्पियनशिपची फायनल होणार आहे. ही लढत १८ ते २२ जून या काळात होणार असली तरी दोन्ही संघ आणि त्याच्या खेळाडूंच्या कामगिरीवरून जोरदार चर्चा सुरू झाली आहे. भारताचे नेतृत्व विराट कोहली तर न्यूझीलंडचे नेतृत्व केन विलियमसन करत आहे. या दोन्ही कर्णधारांमध्ये सर्वोत्तम फलंदाज कोण यावरून दोघा माजी क्रिकेटपटूंमध्ये जुंपली आहे. विराट आणि केन यांच्यात सर्वोत्तम फलंदाज कोण आहे यावरून इंग्लंडचा माजी कर्णधार मायकल वॉन आणि पाकिस्तानचा क्रिकेटपटू सलमान बट यांच्यात रविवारी जुंपली. वाचा- वॉन आणि बट यांच्या वादाची सुरूवात वॉनच्या एका मुलाखतीवरून झाली. स्पार्क स्पोटर्सला दिलेल्या एका मुलाखतीत तो म्हणाला की, केन विलियमसन भारतीय असता तर त्याला जगातील सर्वोत्तम क्रिकेटपटूमध्ये स्थान मिळाले असते. पण प्रत्यक्षात असे नाही. तुम्हाला हे म्हणण्याचा अधिकार नाही की विराट कोहली महान नाही. कारण सोशल मीडियावर तुम्हाला ट्रोल केले जाईल. यामुळेच काही अधिक लाइक्स आणि क्लिक मिळवायचे असतील तर विराट कोहली महान असे म्हणा. पण केन विलियमसन सर्व प्रकारच्या क्रिकेटमध्ये विराट इतका महान आहे. वॉनच्या वक्तव्यावर पाकिस्तानच्या सलमान बटने हल्ला चढवला. बटवर स्पॉट फिक्सिंग प्रकरणी २०१० साली १० वर्षाची बंदी घालण्यात आली होती. जी नंतर ५ वर्ष करण्यात आली. बट म्हणाला, विराट आणि केन यांची तुलना करणारा वाद अनावश्यक आहे. असा वाद निर्माण करणाऱ्या वॉनला त्याने चार शब्द सुनावले. वाचा- कोहली अशा देशातून येतो ज्याची लोकसंख्या अधिक आहे आणि त्यामुळेच त्याच्या चाहत्यांची संख्या देखील अधिक आहे. या शिवाय सध्याच्या काळात जगातील अन्य कोणत्याही फलंदाजाच्या नावावर ७० आंतरराष्ट्रीय शतक नाहीत. तो मोठ्या कालावधीपासून फलंदाजांच्या यादीत अव्वल आहे. कारण त्याची कामगिरी शानदार आहे. यामुळे या तुलनेला काही अर्थ नाही. बट इतक बोलून थांबला नाही. पुढे तो म्हणाला, या दोघांत तुलना कोण करत आहे तर मायकल वॉन. तो इंग्लंडसाठी चांगला कर्णधार असेल. पण ज्या पद्धतीने तो फलंदाजी करत होता ते आकडेवारीत दिसत नाही. वॉन एक चांगला कसोटी फलंदाज होता पण वनडेत त्याच्या नावावर एक देखील शतक नाही. वाचा- आता बटने अशा पद्धतीने हल्ला चढवल्यावर वॉनला राग आला नसता तरच नवल. वॉनने २०१० साली इंग्लंडविरुद्धच्या कसोटी सामन्यात स्पॉट फिक्सिंग केल्या प्रकरणी बटची खिल्ली उडवली. मला माहिती नाही की हेडलाइन काय आहे. पम मी पाहिले की सलमान बटने माझ्याबद्दल काय म्हटले आहे. त्याला स्वत:ची मते व्यक्त करण्याचे स्वातंत्र्य आहे. पण २०१० साली जेव्हा तो मॅच फिक्स करत होता तेव्हा त्याच्या डोक्यात अशा प्रकारचे स्पष्ट विचार हवे होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/342FWVn
No comments:
Post a Comment