नवी दिल्ली : आयपीएल खेळणे हे बऱ्याच खेळाडूंचे स्वप्न असते, पण आयपीएलच्या नावाखाली आपल्याच क्रिकेट मंडळाला एक क्रिकेटपटू ब्लॅकमेल करत असल्याचा धक्कादायक खुलासा समोर आला आहे. त्यामुळे आता या प्रकरणाची चौकशी होणार हा, याकडे सर्वांचे लक्ष लागलेले असेल. पण हे प्रकरण नेमकं आहे तरी काय, पाहा... काही दिवसांपूर्वी पाकिस्तानचा वेगवान गोलंदाज मोहम्मद आमिरने आपण आयपीएल खेळणार असल्याचे सांगितले होते. त्यासाठी आपण ब्रिटनचे नागरिकत्व पत्करणार असल्याचेही त्याने म्हटले होते. पण ही सर्व गोष्ट आपल्या क्रिकेट मंडळा ब्लॅकमेल करण्यासाठी केली जात असल्याचे पाकिस्तानचा माजी फिरकी गोलंदाज दानिश कनेरियाने सांगितले आहे. आमिरने काही दिवसांपूर्वी म्हटले होते की, " पाकिस्तानच्या क्रिकेट मंडळाने मला अपमानास्पद वागणूक दिली आणि त्यामुळेच मला निवृत्तीचा निर्णय लवकर घ्यावा लागला. आता मी बराच काळ इंग्लंडमध्ये वास्तव्य करणार आहे. त्याचबरोबर मी ब्रिटनचे नागरिकत्व मिळवणार आहे आणि त्यानंतर मला आयपीएल खेळण्याची संधीही मिळू शकते." आमिरच्या या वक्तव्यावर आता कनेरियाने खुलासा केला आहे. कनेरियाने यावेळी सांगितले की, " प्रत्येक व्यक्तीला आपले मत व्यक्त करण्याचा अधिकार आहे. पण मला वाटतं की, आमिर हा क्रिकेट मंडळाला ब्लॅकमेल करण्याचा प्रयत्न करत आहे. कारण त्याला अजूनही पाकिस्तानकडून खेळण्याची आशा आहे. त्यामुळे तो अशा काही गोष्टी बोलत आहे. आपण इंग्लंडमध्ये राहून त्यांचे नागरिकत्व घेणार आणि आयपीएलमध्ये खेळणार, असे तो म्हणाला आहे. या सर्व गोष्टींवरुन तरी तो पाकिस्तानच्या क्रिकेट मंडळाला ब्लॅकमेल करत असल्याचे मला तरी वाटत आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3bwY5yA
No comments:
Post a Comment