नवी दिल्ली : क्रिकेट जगतामध्ये सर्वात जास्त पैसा हा बीसीसीआयकडे आहे. पण बीसीसीआय आपल्या घरच्या खेळाडूंनाही मदत करत नसल्याचे दिसत आहे. कारण सध्याच्या घडीला काही खेळाडूंच्या घरात करोनाचा वावर पाहायला मिळत आहे. काही क्रिकेटपटूंच्या कुटुंबियांना करोनाची लागण झाली आहे. आता तर एका माजी क्रिकेटपटूने मदतीची विनंती केली आहे. पण बीसीसीआयने अजूनही मदत केलेली नाही. कारण काही खेळाडूंना करोना झालेला नसला तरी त्यांच्या कुटुंबियांना करोनाची लागण झाली आहे आणि हे क्रिकेटपटू ग्रासलेले आहे. आयपीएलमधील काही क्रिकेटपटूंना करोना झाला आहे. भारताचा फिरकीपटू युजवेंद्र चहलच्या आई-वडिलांना करोना झाला आहे. त्याचबरोबर भारताची महिला क्रिकेटपटू वेदा कृष्णमूर्तीने करोनामुळे आपल्या आई आणि बहिणाला गमावले आहे. आता तर भारताची माजी क्रिकेटपटू श्रावंती नायडूचे आई-बाबा करोनाशी लढत आहेत. या लढ्यात नायडूला १६ लाख रुपये खर्च आला आहे. पण आता यापुढे उपचार करण्यासाठी तिच्याकडे पैसे नाहीत. त्यासाठी तिने तेलंगणा सरकारकडे मदत मागितली आहे. पण बीसीसीआय मात्र यावेळी पुढे येऊन तिला मदत करत असल्याचे पाहायला मिळत नाही. पण आता नायडूच्या मदतीसाठी भारतासाठी महिला बॅडमिंटन खेळाडू ज्वाला गट्टा पुढे सरसारवली आहे. ज्वालाने यावेळी एक ट्विट केले आहे. यामध्ये तिने म्हटले आहे की, " भारताची माजी क्रिकेटपटू श्रावंती नायडूचे आई आणि वडिल हे सध्या करोनाशी झुंज देत आहेत. गेल्या काही दिवसांपासून त्यांची ही झुंज सुरु आहे. श्रावंतीने तिच्या उपचारांसाठी आतापर्यंत १६ लाख रुपये खर्च केले आहेत. पण आता तिला पुढील उपचारांसाठी आर्थिक मदतीची गरज आहे. तिला सध्याच्या घडीला मदतीची गरज आहे आणि ती करायला हवी." बीसीसीआयने आपल्या खेळाडूंसाठी किंवा त्यांच्या कुटुंबियांसाठी करोनाच्या काळात कुठलीच मदत केली नसल्याचे पाहायला मिळत आहे. वेदा कृष्णमूर्तीने आपल्या आई आणि बहिणीला गमावले आहे. पण बीसीसीआयने तिला मदत करणे तर दूरच पण तिची विचारपूसही केलेली नाही. त्यामुळे बीसीसीआय या कठीण काळात नेमकं करतेय तरी काय, हा प्रश्न सर्वांनाच पडलेला आहे. त्यामुळे आता बीसीसीआय या खेळाडूंसाठी आणि त्यांच्या कुटुंबियांसाठी मदतीचा हात पुढे करणार का, याकडे सर्वांचे लक्ष लागलेले असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ov6Hes
No comments:
Post a Comment