नवी दिल्ली : आयपीएलचा १४वा हंगाम स्थगित झाला असला तरी या स्पर्धेने आजवर अनेक चांगल्या आठवणी चाहत्यांना दिल्या आहेत. आयपीएलच्या इतिहासातील सर्वात यशस्वी संघ असलेला संघ मुंबई इंडियन्सचा कर्णधार रोहित शर्माच्या नावावर एक अनोखा विक्रम आहे. आज रोहित मुंबई इंडियन्सचा कर्णधार असला आणि त्याने संघाला पाच विजेतेपद मिळवून दिले असले तरी त्याने या संघाविरुद्ध हॅटट्रिक घेतली होती. आयपीएल २००९ मध्ये रोहितने आजच्या दिवशी हॅटट्रिक घेण्याचा विक्रम केला होता. वाचा- प्रथम फलंदाजी करताना डेक्कन चाजर्सने ६ बाद १४६ धावा केल्या होत्या. रोहितने ३८ धावांचे योगदान दिले होते. १४६ धावांचा बचाव करताना डेक्कनचा संघ अडचणी होता. मुंबईने १६ षटकात ४ बाद १०३ धावा केल्या होत्या. त्याच वेळी रोहितने गोलंदाजीत कमाल केली. वाचा- २००९ साली आयपीएल दक्षिण आफ्रिकेत खेळवण्यात आले होते. स्पर्धेच्या या दुसऱ्या हंगामातील ३२व्या सामन्यात रोहितने हॅटट्रिक घेतली होती. मुंबई इंडियन्सच्या डावातील १६व्या षटकात पाचव्या चेंडूवर अभिषेक नायर आणि अखेरच्या चेंडूवर हरभजन सिंगला बाद केले. त्यानंतर १८व्या षटकातील पहिल्या चेंडूवर रोहितने डुमिनीला बाद करत हॅटट्रिक पूर्ण केली. या सामन्यात डेक्कनने मुंबईला १२६ धावांवर रोखले आणि १९ धावांनी विजय मिळवला. वाचा- हा आयपीएलच्या इतिहासातील असा एकमेव खेळाडू आहे ज्याने एका हंगामात ३००हून अधिक धावा केल्या आणि हॅटट्रिक देखील घेतली. विशेष म्हणजे ज्या संघाविरुद्ध त्याने हॅटट्रिक घेतली होती त्याच संघाचा आज तो कर्णधार आहे आणि पाच वेळा विजेतेपद मिळवून दिले आहे. इतक नाही तर आयपीएलच्या इतिहासात रोहित शर्मा असा एकमेव खेळाडू आहे तो सहा वेळा आयपीएल विजेतेपद मिळवलेल्या संघात होता. डेक्कन चार्जर्सने २००९ मध्ये विजेतेपद मिळवले होते. तर मुंबईने पाच वेळा विजेतेपद मिळवले आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3hbwQNP
No comments:
Post a Comment