नवी दिल्ली : आयपीएल स्थगित केल्यानंतर परदेशी खेळाडूंचे नेमक काय होणार, हा प्रश्न सर्वांनाच पडलेला होता. पण आता आयपीएलमधील परदेशी खेळाडूंसाठी एक आनंदाची बातमी आहे. कारण एका देशाने भारतातील विमानांना परवानगी देण्याचे ठरवले आहे. त्यामुळे या देशातील खेळाडू आपल्या मायदेशी सुखरुपणे जाऊ शकणार आहेत. भारतामध्ये आयपीएल खेळणाऱ्या न्यूझीलंडच्या खेळाडूंसाठी आता एक आनंदाची बातमी आली आहे. कारण न्यूझीलंडने आयपीएलच्या खेळाडूंसाठी भारतामधून येणाऱ्या विमानांवरील बंदी उठवण्याचा निर्णय घेतला आहे. त्यामुळे न्यूझीलंडचे खेळाडू आता सुखरुपणे आपल्या मायदेशी रवाना होणार असून त्यांना कोणतीही समस्या जाणवणार नाही. न्यूझीलंडच्या क्रिकेट मंडळाने यावेळी सांगितले की, " आम्ही आयपीएल खेळणाऱ्या देशातील सर्व क्रिकेटपटूंच्या संपर्कात आहोत. आमचे सर्व खेळाडू हे सुरक्षित आहे, हे आम्हाला समजले आहे. त्यामुळे न्यूझीलंडच्या खेळाडूंना आता मायदेशी परतता येणार आहे. यासाठी आम्ही बीसीसीआयच्या कायम संपर्कात आहोत. मायदेशात परतल्यावर या खेळाडूंना १४ दिवस क्वारंटाइनमध्ये राहावे लागणार आहे." न्यूझीलंडचे खेळाडू आता आपल्या देशात सुरक्षितपणे जाऊ शकतात. त्याचबरोबर भारत आणि न्यूझीलंड यांच्यामध्ये कसोटी अजिंक्यपद स्पर्धेची अंतिम फेरी जूनमध्ये खेळवण्यात येणार आहे. त्यामुळे खेळाडूंच्या क्वारंटाइनचा कालावधी संपल्यावर यावर न्यूझीलंड क्रिकेट मंडळ निर्णय घेणार आहे. दक्षिण आफ्रिकेचे क्रिकेट मंडळीही पुढे सरसावले...दक्षिण आफ्रिका हा देश आपल्या खेळाडूंसाठी पुढे सरसावल्याचे पाहायला मिळत आहे. कारण आपल्या खेळाडूंना देशात प्रवेश देण्याची मोठी परवानगी त्यांनी दिली आहे. त्याचबरोबर या खेळाडूंना क्वारंटाइन करण्यात येणार असल्याचेही त्यांनी सांगितले आहे. सध्याच्या घडीला दक्षिण आफ्रिकेच्या क्रिकेट मंडळाकडून बीसीसीआयबरोबर चर्चा सुरु आहे. आपल्या देशातील खेळाडूंची आबाळ होऊ नये किंवा त्यांना कोणतीही समस्या होऊ नये, असे दक्षिण आफ्रिकेचे म्हणणे आहे. त्यामुळे या खेळाडूंना भारतामधून कधी सोडण्यात येईल आणि त्यांची काय व्यवस्था करण्यात येईल, याबाबत त्यांची बीसीसीआयबरोबर चर्चा सुरु आहे. त्यामुळे दक्षिण आफ्रिकेच्या खेळाडूंना आता मायदेशीत परतण्यामध्ये कोणतीही समस्या जाणवणार नाही.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3efA6Ws
No comments:
Post a Comment