नवी दिल्ली : भारतामध्ये सध्याच्या घडीला करोनाचे तांडव सुरु आहे, त्याचबरोबर आता आयपीएलमध्येही करोनाचा शिरकाव झाला आहे. त्यामुळे आता खेळाडूंपाठोपाठ समालोचकही आयपीएल सोडून जात असल्याचे पाहायला मिळत आहे. एका समालोचकाने तर थेट भारताबाहेरच पळ काढला आहे आणि एका देशाचा आसरा घेतला आहे. काही दिवसांपूर्वी आयपीएलमधील परदेशी खेळाडू स्पर्धेतून बाहेर पडले होते. पण आता ऑस्ट्रेलियाचा माजी क्रिकेटपटू आणि आयपीएलचा समालोचक मायकल स्लेटर हा स्पर्धेतून बाहेर पडला असून तो आता स्पर्धेचे समालोचन करणार नाही. त्याचबरोबर स्लेटरने आता भारत सोडले असून त्याने आता मालदिवमध्ये राहायचे काही काळ ठरवले आहे. कारण ऑस्ट्रेलियाच्या सरकारने आता भारतातील विमानांना आणि प्रवाशांना बंदी घातली आहे. त्यामुळे स्लेटर ऑस्ट्रेलियाच्या सरकारवर भडकल्याचेही पाहायला मिळत आहे. स्लेटर यावेळी ऑस्ट्रेलियाच्या सरकारवर चांगलाच भडकला आहे. त्याने आपल्या ट्विटमध्ये म्हटले आहे की, " आयपीएलसाठी जेव्हा मला भारतामध्ये जायचे होते, तेव्हा मला ऑस्ट्रेलियाच्या सरकारची परवानगी घ्यावी लागली होती. पण आता परतीचे मार्ग मात्र आमच्या सरकारने बंद केले आहेत. ही गोष्ट योग्य नाही. जर त्यांना आपल्या नागरिकांची काळजी असेल तर त्यांनी आम्हाला ऑस्ट्रेलियामध्ये परतण्याची परवानगी द्यावी. त्याचबरोबर ऑस्ट्रेलियामध्ये परतल्यावर आम्ही सुरक्षित गोष्टींचा अवलंब करणार आहोत, यामध्ये क्वारंटाइनचाही समावेश आहे." आज नेमकं काय घडलं, पाहा...आयपीएलमध्ये आज एकूण १० जणांना करोनाची बाधा झाल्याचे पाहायला मिळत आहे. यामध्ये दोन खेळाडूंचाही समावेश आहे. कोलकाता नाइट रायडर्स संघातील दोन खेळाडू वरुण चक्रवर्ती आणि संदीप वॉरियर यांना करोना झाल्याचे वृत्त समोर आले होते. यामुळे आज होणारी कोलकाता आणि बेंगळुरू मॅच पुढे ढकलण्यात आली आहे. त्यानंतर चेन्नई सुपर किंग्ज संघातील तिघांना करोनाची लागण झाल्याचे वृत्त समोर आले. यात संघाचे मुख्य कार्यकारी अधिकारी काशी विश्वनाथ, लक्ष्मीपती बालाजी आणि एक बस क्लीनरचा समावेश आहे. दिलासा देणारी एक गोष्ट म्हणजे, संघातील कोणत्याही खेळाडूला किंवा अन्य कोणालाही करोनाची लागण झालेली नाही. त्याचबरोबर नवी दिल्लीतील अरुण जेटली मैदानातील पाच कर्मचाऱ्यांना करोना झाल्याची माहिती समोर आली आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3xCc1kl
No comments:
Post a Comment