नवी दिल्ली : आयपीएलचे उर्वरीत सामने आता कुठे होणार, याची जोरदार चर्चा आता सुरु झाली आहे. आयपीएल भारताबाहेर खेळवण्यात येणार असेल तर युएईचा पर्याय सर्वांनाच माहिती होती. पण आता आयपीएलच्या सामन्यांसाठी आता अन्य एका मोठ्या देशाचा पर्याय पुढे आला आहे आणि हा देश भारताला आयपीएल भरवण्याची ऑफर देऊ शकतो, असेही दिसत आहे. पण आयपीएलचे सामने सप्टेंबर महिन्यात या देशात होऊ शकतात, असे चित्र आता दिसत आहे. दोन दिवसांपूर्वीच बीसीसीआयकडून आयपीएल स्थगित करण्यात आली आहे. या महिन्याभरात तरी आयपीएल पुन्हा होणार नाही. त्याचबरोबर पुढील आंतरराष्ट्रीय क्रिकेटचा कार्यक्रमही व्यस्त आहे. त्यामुळे आयपीएलचे उर्वरीत सामने कधी होणार, याची चिंता काही जणांना होती. त्यासाठी क्रिकेट जगतातील एक मोठा देश भारताला आयपीएलच्या सामन्यांसाठी ऑफर देऊ शकतो, असे समोर येत आहे. नेमकं घडलंय तरी काय, पाहा...आयपीएलचे उर्व़रीत ३१ सामने इंग्लंडमध्ये होऊ शकतात, असे आता दिसत आहे. कारण इंग्लंडमधील कौंटी क्रिकेट खेळणाऱ्या सरे, वॉरविकशायर, लँकाशायरसह काही संघांनी यावेळी आपल्या क्रिकेट मंडळाला एक पत्र लिहिले आहे. या पत्रामध्ये सप्टेंबरमध्ये आपण आयपीएलच्या उर्वरीत सामन्यांचे आयोजन करावे, असे म्हटले आहे. इंग्लंडचे क्रिकेट मंडळ यावर विचार करत आहे. कारण भारत आणि इंग्लंड यांच्यातील कसोटी मालिका संपल्यावर काही दिवसांचा अवधी शिल्लक आहे. या दिवसांमध्ये आयपीएलचे सामने होऊ शकतात आणि त्यानंतर विश्वचषकही खेळवला जाऊ शकतो. त्यामुळे आता इंग्लंड हा आयपीएलच्या सामन्यांसाठीचा एक उत्तम पर्याय असल्याचे दिसत आहे. बीसीसीआयचे अध्यक्ष सौरव गांगुली याबाबत काय म्हणाले, पाहा...आयीएलच्या उर्वरीत ३१ सामन्यांच्या आयोजनाबाबत गांगुली म्हणाले की, " सध्याच्या घडीला आयपीएलचे उर्वरीत सामने कधी खेळवण्यात येऊ शकतात, याचा विचार बीसीसीआय करत आहे. सप्टेंबरमध्ये भारतीय संघ इंग्लंडच्या दौऱ्यावर असेल, त्याचबरोबर ऑक्टोबर महिन्याच्या अखेरीस ट्वेन्टी-२० विश्वचषक खेळवण्यात येणार आहे. यावेळी जो इंग्लंडचा दौरा आणि ट्वेन्टी-२० विश्वचषकाच्यामध्ये कालावधी असेल त्यामध्ये आयपीएलचे आयोजन करता येऊ शकते." त्यामुळे आता इंग्लंडमध्ये आयपीएलचे उर्वरीत सामने होणार का, याकडे चाहत्यांचे लक्ष असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2R2XRYO
No comments:
Post a Comment