मुंबई : मुंबई इंडियन्सच्या संघाने आता तर कमालच केली. सध्याची घडील ही संकटाची आहे. प्रत्येक जण आपलं-आपलंच पाहत आहे. पण मुंबई इंडियन्सचा संघ यावेळी आयपीएलमधील अन्य संघांच्या मदतीलाही धावून आला आहे. करोनाच्या संकट काळातली मुंबई इंडियन्सचा संघ अन्य संघातील सदस्यांना मदत करण्यासाठी पुढे आला आहे. आयपीएल स्थगित झाल्यावर सर्वात मोठा प्रश्न ऐरणीवर आहे तो परदेशी खेळाडूंचा. या परिस्थितीमध्ये बीसीसीआयची मदत तोकडी पडू शकते. त्यासाठी आता मुंबई इंडियन्सचा संघ पुढे सरसावला आहे. मुंबई इंडियन्सने आपल्या संघातील परदेशी खेळाडूंचा भार बीसीसीआयवर टाकलेला नाही. त्याचबरोबर अन्य संघातील परदेशी खेळाडूंनाही त्यांनी मदतीचा हात पुढे केला आहे. मुंबई इंडियन्सचा संघ आता परदेशी खेळाडूंना आता आपल्या खासगी चार्टड विमानांमधून मायदेशी सोडणार आहे. मुंबई इंडियन्स दक्षिण आफ्रिका, न्यूझीलंड आणि वेस्ट इंडिजमध्ये आपले खासगी विमान पाठवणार आहे. त्याचबरोबर मुंबई इंडियन्सच्या संघाने यावेळी अन्य संघाच्या मालकांसाठीही मदतीचा हात पुढे केला आहे. अन्य संघातील कोणत्या परदेशी खेळाडूला मायदेशी सोडायचे असेल तर त्यासाठी मुंबई इंडियन्सचा संघ मदत करणार आहे. त्यामुळे फक्त आपल्याच संघातील नाही तर बाकीच्या संघातील परदेशी खेळाडूंसाठी मुंबई इंडियन्सने आपल्या खास विमानाची मदत देण्याचे ठरवले आहे. सध्याच्या घडीला मुंबई इंडियन्सच्या संघात न्यूझीलंड, दक्षिण आफ्रिका आणि वेस्ट इंडिजचे खेळाडू आहेत. संघात ट्रेंट बोल्ट, अॅडम मिल्ने, जेम्स नीशाम आणि शेन बाँड हे न्यूझीलंडचे खेळाडू आहेत. त्याचबरोबर अजून काही संघातील न्यूझीलंडचे खेळाडू मुंबई इंडियन्सच्या खासगी विमानामधून रवाना करण्याची तयारी आता त्यांनी दाखवली आहे. त्याचबरोबर मुंबई इंडियन्सच्या संघात क्विंटन डीकॉक आणि मार्को जेन्सन हे दोन दक्षिण आफ्रिकेचे खेळाडू आहेत. त्यांना जोहान्सबर्ग येथे पाठवण्याची व्यवस्था मुंबई इंडियन्सच्या संघआने केलेली आहे. मुंबई इंडियन्सचे खासगी विमान वेस्ट इंडिजमध्येही कायरन पोलार्डला सोडायला जाणार आहे. त्यामुळे या देशांतील अन्य कोणत्या खेळाडूंना पाठवायचे असेल तर आपल्याला सांगावे, त्याचीही व्यवस्था करण्यात येईल, असे मुंबई इंडियन्सच्या संघाने अन्य संघांना सांगितले आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3nXXtH9
No comments:
Post a Comment