नवी दिल्ली : पंजाब किंग्सचा कर्णधार लोकेश राहुल हा सध्या हॉस्पिटलमध्ये उपचार घेत आहे. राहुलच्या पोटात दुखात असल्यामुळे त्याला त्वरीत हॉस्पिटलमध्ये दाखल करण्यात आले होते. त्यामुळेच राहुलला दिल्ली कॅपिटल्सविरुद्धच्या सामन्यात खेळता आले नव्हते. त्याचबरोबर राहुल आता संघात परतणार का, हा सर्वात मोठा प्रश्न आहे. पण राहुलला सध्याच्या घडीला अजून एक धक्का बसला आहे. राहुल हा भन्नाट फॉर्मात होता आणि त्याने धडाकेबाज फटकेबाजी करत ऑरेंज कॅपही पटकावली होती. पण दिल्लीविरुद्धच्या सामन्यात त्याला खेळता आले नाही आणि त्याला अजून एक धक्का बसला. दिल्लीच्या सामन्यापूर्वी ऑरेंज कॅपचा मानकरी हा राहुल होता. पण तो हा सामना खेळला नाही. पण या सामन्यात दिल्ली कॅपिटल्सचा सलामीवीर शिखर धवन हा सामना खेळला आणि राहुलला धक्का बसल्याचे पाहायला मिळाले. या सामन्यापूर्वी राहुलच्या सर्वाधिक ३३१ धावा होत्या, तर धवनच्या खात्यामध्ये ३११ धावा होत्या. या सामन्यात धवनने नाबाद ६९ धावांची धडाकेबाज खेळी साकारली. त्यामुळे या सामन्यानंतर धवनच्या ३८० धावा झाल्या आणि त्याने ऑरेंज कॅप पटकावली आणि राहुलला मैदानातही एक धक्का बसला. आता ऑरेंज कॅप ही धवनकडे आहे. त्याचबरोबर राहुल आता कधी पूर्णपणे फिट होणार हे कोणालाही माहिती नाही. त्यामुळे काही सामने तरी तो खेळू शकणार नाही. त्यामुळे ऑरेंज कॅपच्या शर्यतीमधून त्याला बाहेर पडावे लागेल, असे सध्याच्या घडीला तरी दिसत आहे. त्यामुळे आता राहुल नेमका आयपीएल खेळायला कधी येतो, याकडे सर्वांचे लक्ष असेल. दिल्लीविरुद्धच्या सामन्यापूर्वी लोकेश राहुलला अपेंडिसिटिसचा त्रास होत असल्याचे निदान झाले. यासाठी शस्त्रक्रियेची गरज होती. सुरक्षेसाठी म्हणून त्याला रुग्णालयात दाखल करण्यात आल्याचे संघाने निवेदनात म्हटले होते. त्यामुळे आता किती दिवस राहुल हॉस्पिटलमध्ये राहतो, हे पाहावे लागेल. त्याचबरोबर हॉस्पिटलमधून बाहेर पडल्यावरही राहुलला काही दिवस क्वारंटाइन राहावे लागेल आणि त्याला करोना चाचणी द्यावी लागेल, करोना चाचणीमध्ये तो निगेटीव्ह आला तरच त्याला बायो-बबलमध्ये प्रवेश दिला जाणार आहे. त्यामुळे आता राहुल हॉस्पिटलमधून कधी सुटतो, यावर सर्व काही अवलंबून असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3uhkhUC
No comments:
Post a Comment