नवी दिल्ली : महेंद्रसिंग धोनीच्या नेतृत्वाखाली चेन्नई सुपर किंग्सच्या संघातील दोन व्यक्तींसाठी आता चक्क मागितल्याचे पाहायला मिळत आहे. चेन्नईच्या संघातील दोन सदस्यांची प्रकृती चिंताजनक आहे का, याबाबत आता तर्क लावले जात आहेत. त्यामुळे चेन्नईच्या संघाने आता हे पाऊल उचलल्याचे पाहायला मिळत आहे. त्यामुळे संघातील खेळाडू आणि अन्य सदस्यांसाठी चेन्नईचा संघ सर्वतोपरी मदत करायला सज्ज आहे, असे चित्र स्पष्टपणे दिसत आहे. चेन्नईच्या संघाशी निगडीत असलेल्या चार व्यक्तींनी करोनाची लागण झाल्याचे पाहायला मिळाले होते. त्यामुळे या संघातील दोन सदस्यांना चक्क Air Ambulanceने चेन्नईला नेण्याचा निर्णय आता संघाने घेतला आहे. यामध्ये चेन्नईचे फलंदाजी प्रशिक्षक आणि ऑस्ट्रेलियाचे माजी क्रिकेटपटू माइक हसी यांचा समावेश आहे, त्याचबरोबर चेन्नईचे गोलंदाजी प्रशिक्षक आणि भारताचे माजी वेगवान गोलंदाज लक्ष्मीपती बालाजी यांचा समावेश आहे. हसी आणि बालाजी या दोघांनाही आता दिल्लीहून चेन्नईला Air Ambulanceने नेण्यात येणार आहे. चेन्नईच्या संघातील अधिकाऱ्यांनी यावेळी सांगितले की, " चेन्नईमध्ये आमची चांगली ओळख आहे, त्यामुळे हसी आणि बालाजी या दोघांनाही आम्ही चेन्नईमध्ये नेण्याचा निर्णय घेतला आहे. त्यासाठी आम्ही Air Ambulanceचीही सोय केली आहे. जर या दोघांना गरज लागली तर आम्ही त्याचा वापर नक्कीच करणार आहोत. सध्याच्या घडीला दोघांची प्रकृती उत्तम आहे आणि दोघांमध्येही करोनाची लक्षण दिसत नाहीत. पण अजूनही हसीचा करोना निगेटीव्ह असल्याचा अहवाल अजूनही आलेला नाही. हसीचा करोनाचा अहवाल जोपर्यंत निगेटीव्ह येत नाही तोपर्यंत त्याला आम्ही भारताबाहेर सोडणार नाही. आम्ही हसीसाठी खास विमानाची सोय करणार आहोत." ऑस्ट्रेलियाच्या क्रिकेटपटूंच्या संघटनेने यावेळी सांगितले की, " माइक हसी हा करोना पॉझिटीव्ह असूचन तो भारतामध्येच राहणार आहे. हसीमध्ये करोनाची हलकी लक्षणे दिसत होती. पण त्याची पूर्ण काळजी चेन्नईच्या संघाने घेतलेली आहे. त्यामुळे त्याच्याबाबत घाबरण्याची कोणतीही गोष्ट नाही."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2SwUB8E
No comments:
Post a Comment