नवी दिल्ली: भारतीय क्रिकेट संघ २०११ साली इंग्लंड दौऱ्यावर गेला होता. तेव्हा नॉटिंघम येथे झालेल्या कसोटी सामन्यात भारताचा कर्णधार याने खेळ भावनेचा अनोखा आदर्श घालून दिला होता. ही घटना आज देखील चाहत्यांच्या मनात आहे. कसोटी सामन्यात मैदानावरील अंपायरने बाद दिल्यानंतर देखील धोनीने या इंग्लंडच्या फलंदाजाला पुन्हा खेळण्यास बोलवले होते. या घटनेच्या १० वर्षानंतर बेलने मोठा खुलासा केलाय. वाचा- एका यूट्यूब चॅनलवर बोलताना बेल म्हणाला, त्या घटनेसाठी मी स्वत:ला दोषी मानतो. जेव्हा मी हे मान्य केले होते की चेंडू सीमारेषेच्या पलिकडे गेला आहे. तर मी टी ब्रेक आहे असे ग्रहीत धरून पॅव्हिलियनकडे जायला नको होते. चूक माझी होती मी तसे करायला नको होते. धोनीच्या या कृतीला आयसीसीचा दशकातील सर्वोत्तम खेळ भावनेचा पुरस्कार मिळाला होता. वाचा- काय झाले होते? कसोटी सामन्यातील तिसऱ्या दिवशी चहापानाच्या आधी अखेरच्या चेंडूवर ही घटना घडली होती. इंग्लंडच्या दुसऱ्या डावात इयान बेल १३७ धावांवर फलंदाजी करत होता. इशांत शर्माचा चेंडू इयान मॉर्गनने डीप स्क्वेअर लेगला मारला. बेलला असे वाटले की चेंडूने सीमा रेषेला स्पर्श केलाय आणि तिसरी धाव पूर्ण करण्याआधी तो मार्गनजवळ आला आणि टी टाइम झाला असे मानून पॅव्हेलियनकडे जाऊ लागला. पण सीमा रेषेवर प्रवीण कुमारने चेंडू रोखला होता आणि चेंडू धोनीकडे थ्रो केला. धोनीने चेंडू नॉन स्ट्रायकर येते उभा असलेल्या अभिनव मुकुंदकडे दिला आणि त्याने तो विकेटला लावला. भारतीय खेळाडूंनी रन आउटची अपील केली आणि अंपायरने बेलला धावबाद दिले. वाचा- चहापानाच्या दरम्यान इंग्लंडचा कर्णधार एड्यू स्ट्रॉस आणि प्रशिक्षक एडी फ्लवर यांनी भारतीय ड्रेसिंग रूममध्ये येऊन अपील मागे घेण्याची विनंती केली. धोनीने संघ व्यवस्थापनाशी चर्चा करून तो निर्णय मागे घेतला. चहापानानंतर जेव्हा खेळ पुन्हा सुरू झाला तेव्हा बेल पुन्हा खेळण्यास मैदानावर आला. बेलला मैदानावर पाहून प्रेक्षकांना आश्चर्य वाटले. जे प्रेक्षक काही मिनिटापूर्वी भारतीय संघावर शेरेबाजी करत होते तेच आता कौतुकासाठी टाळ्या वाजवू लागले. वाचा- इयान बेल त्या डावात १५९ धावा करून बाद झाला. ही कसोटी इंग्लंडने ३१९ धावांच्या मोठ्या अंतराने जिंकली. भारताने तेव्हा मालिका ४-१ने गमावली होती. गेल्या वर्षी (२०२०) आयसीसीचा खेळ भावनेचा पुरस्कार धोनीला मिळाला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3w53xR1
No comments:
Post a Comment