नवी दिल्ली : भारताचा अष्टपैलू खेळाडू हार्दिक पंड्याला () आता मोठा धक्का बसलेला आहे. कारण भारताच्या निवड समितीचे माजी सदस्य शरणदीप सिंग () यांनी हार्दिकबाबत आता धक्कादायक विधान केल्याचे समोर आले आहे. काही दिवसांपूर्वी भारतीय संघाची इंग्लंडच्या दौऱ्यासाठी निवड करण्यात आली. या संघात हार्दिकला वगळण्याचा निर्णय घेण्यात आला. त्याचबरोबर आता वनडे आणि ट्वेन्टी-२० सामन्यांसाठीही हार्दिकला संघात स्थान मिळणे, अवघड होऊ शकते. कारण हार्दिक गेल्या काही महिन्यांपासून गोलंदाजी करताना दिसत नाही. त्यामुळे हार्दिकच्या कारकिर्दीला आता मोठा धक्का बसल्याचे पाहायला मिळत आहे. शरणदीप सिंग यांनी पीटीआयशी बोलताना सांगितले की, " कसोटी सामन्यांसाठी हार्दिकला भारतीय संघातून वगळण्यात आले आहे. माझ्यामते हा निर्णय योग्य आहे. कारण हार्दिक संघात एक अष्टपैलू खेळाडू म्हणून आहे. पण पाठीवर शस्त्रक्रीया झाल्यानंतर हार्दिक गोलंदाजी करताना दिसत नाही. वनडे सामन्यात त्याला १० आणि ट्वेन्टी-२० सामन्यांमध्ये त्याला चार षटके टाकावी लागतील. कारण फक्त फलंदाज म्हणून त्याची भारतीय संघात निवड होऊ शकत नाही." शरणदीप यांनी पुढे सांगितले की, " जर हार्दिक संघात असेल आणि तो गोलंदाजी करत नसेल तर त्याचा परीणाम खेळावर होऊ शकतो. कारण हार्दिक गोलंदाजी करू न शकल्यामुळे संघात एक अतिरीक्त गोलंदाज खेळवावा लागतो. त्यामुळे सूर्यकुमार यादवसारख्या फलंदाजाला संघाबाहेर बसावे लागते. या गोष्टीचा परीणाम आपण इंग्लंड आणि ऑस्ट्रेलिया यांच्यातील सामन्यांमध्य पाहिलेला आहे. आता संघाकडे रवींद्र जडेजा, वॉशिंग्टन सुंदर, अक्षर पटेलसारखे अष्टपैलू खेळाडू आहेत. शार्दुल ठाकूरही अष्टपैलू खेळाडूची जागा भरुन काढू शकतो. त्यामुळे निवड समितीला या गोष्टीचाही विचार करावा लागणार आहे." हार्दिकबाबत गोलंदाजी प्रशिक्षक काय म्हणाले, पाहा....भारताचे गोलंदाजी प्रशिक्षक भारत अरुण यांनी यावेळी सांगितले की, " पाठिच्या दुखण्यामुळे हार्दिक पंड्या गोलंदाजी करताना दिसत नाही. पण भारतीय संघातील शार्दुल ठाकूर हा एक उपयुक्त अष्टपैलू खेळाडू म्हणून समोर आला आहे. कारण शार्दुलने आतापर्यंत चांगली गोलंदाजी तर केलीच आहे, पण तो उपयुक्त फलंदाजीही करू शकतो, ही गोष्टही आता समोर आली आहे. त्यामुळे शार्दुल हा एक चांगला अष्टपैलू खेळाडू म्हणून समोर आला आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3of7oZb
No comments:
Post a Comment