दुबई: आंतरराष्ट्रीय क्रिकेट परिषदेच्या कसोटी क्रमवारीत भारतीय संघाने पहिले स्थान कायम राखले आहे. न्यूझीलंडचा संघ दुसऱ्या स्थानावर कायम आहे. आयसीसीच्या वार्षिक अपडेटनंतर भारतीय संघाला एक तर न्यूझीलंडला दोन गुणांचा फायदा झाला. वाचा- कसोटी क्रमवारीत भारतीय संघ १२१ तर न्यूझीलंड १२० गुणांसह पहिल्या आणि दुसऱ्या स्थानावर आहेत. या काळात भारताने ऑस्ट्रेलियाला त्याच्या घरच्या मैदानावर २-१ असे पराभूत केले. तर इंग्लंडविरुद्ध मायदेशात ३-१ ने मालिका जिंकली. न्यूझीलंडने घरच्या मैदानावर वेस्ट इंडिज आणि पाकिस्तान यांच्या विरुद्धची मालिका २-०ने जिंकली होती. वाचा- आयसीसीने दिलेल्या माहितीनुसार आज दिलेल्या क्रमवारीतील अपडेटमधून २०१७-१८चे निकाल काढून टाकले आहेत. २०१९-२० मध्ये खेळण्यात आलेल्या सामन्यांचे महत्त्व अर्धे करण्यात आलय. ताज्या अपडेटमध्ये मे २०२० नंतर झालेल्या सर्व सामन्यांचे गुण १०० टक्के केले आहेत. तर गेल्या दोन वर्षातील सामन्यांचे गुण ५० टक्के इतके केले आहेत. वाचा- वाचा- ऑस्ट्रेलियाने २०१७-१८ मध्ये इंग्लंडवर ४-० असा विजय मिळवला होता. हा विजय सध्याच्या क्रमवारीत विचारात घेतला नाही. याचा फायदा इंग्लंडला झाला. ते आता क्रमवारीत तिसऱ्या स्थानावर आहेत. तर ऑस्ट्रेलियाचा संघ चौथ्या स्थानावर आहे. इंग्लंडचे १०९ तर ऑस्ट्रेलियाचे १०८ गुण आहेत. वाचा- क्रमवारीत दक्षिण आफ्रिकेचा संघ सातव्या स्थानावर आहे. ही त्याची क्रमवारीतील सर्वात खराब कामगिरी आहे. श्रीलंका आठव्या, बांगलादेश नवव्या, झिम्बाब्वे १०व्या स्थानावर आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3tJr4p1
No comments:
Post a Comment