श्रीलंका दौऱ्यावर कोण होणार टीम इंडियाचा कर्णधार? या दोघांत मोठी चुरस

मुंबई: आगामी श्रीलंकेच्या दौऱ्याला जाण्याआधी श्रेयस अय्यर फिट झाला नाही तर अनुभवी सलामीवीर आणि ऑलराउंडर या दोन खेळाडूंमध्ये कर्णधारपदासाठी चुरस असेल. वाचा- भारताचा मर्यादीत षटकांसाठीचा खास संघ श्रीलंकेच्या दौऱ्यावर जाणार आहे. या दौऱ्यात भारत ३ टी-२० आणि ३ वनडे सामन्यांची मालिका खेळणार आहे. या दौऱ्याच्या वेळी भारताचा संघ इंग्लंडमध्ये कसोटी मालिका खेळत असेल. त्यामुळे विराट कोहली, रोहित शर्मा आदी खेळाडू श्रीलंका दौऱ्यावर असणार नाहीत. वाचा- बीसीसीआयच्या एका अधिकाऱ्याने नाव न सांगण्याच्या अटीवर पीटीआयला दिलेल्या माहितीनुसार, हे आतापर्यंत स्पष्ट झाले नाही की श्रेयस श्रीलंका दौऱ्याआधी पूर्णपणे फिट होईल. सर्व साधारणपणे श्रेयसला जी दुखापत झाली आहे त्यातून बाहेर येण्यासाठी चार महिन्यांचा कालावधी लागतो. जर श्रेयस उपलब्ध झाला तर तोच कर्णधारपदासाठीचा पहिला पर्याय असेल. त्याच्यानंतर आयपीएलमध्ये चांगली कामगिरी करणारा धवन आणि हार्दिक हे दोघे आघाडीवर आहेत. वाचा- ... शिखरने दोन आयपीएलमध्ये चांगली कामगिरी केली आहे. तो वरिष्ठ खेळाडू आहे आणि निवडीसाठी उपलब्ध असेल. या शिवाय त्याने गेल्या आठ वर्षात भारताकडून चांगली कामगिरी केली आहे, असे संबंधित अधिकाऱ्याने सांगितले. वाचा- हार्दिकबद्दल बोलताना ते म्हणाले, मर्यादित षटकात त्याने स्वत:ची प्रतिमा विजय मिळून देणारा खेळाडू अशी केली आहे. हार्दिकने गेल्या काही काळात मुंबई इंडियन्स आणि भारताकडून खेळताना गोलंदाजी केली नाही. पण तो हुकमी एक्का आहे. प्रभाव पाडणाऱ्या खेळाडूंमध्ये तो आघाडीवर आहे. अतिरिक्त जबाबदारी मिळाल्यावर तो सर्वोत्तम कामगिरी करू शकतो. राहुल द्रविड प्रशिक्षक भारताच्या या संघासोबत जसे स्टार खेळाडू असणार नाहीत तसेच मुख्य प्रशिक्षक रवी शास्त्री, गोलंदाजीचे प्रशिक्षक भरत अरुण, फलंदाजीचे प्रशिक्षक विक्रम राठोड देखील असणार नाही. हे सर्व जण इंग्लंडमध्ये कसोटी संघासोबत असतील. यामुळेच श्रीलंका दौऱ्यावर जाणाऱ्या भारतीय संघाचा प्रशिक्षक म्हणून राहुल द्रविडचे नाव समोर आले आहे. राहुलसोबत राष्ट्रीय क्रिकेट अकादमीचे काही जण असण्याची शक्यता आहे. दौऱ्याचे संभाव्य वेळापत्रक वनडे मालिका >>पहिली वनडे- १३ जुलै >>दुसरी वनडे- १६ >>तिसरी वनडे- १९ जुलै टी-२० मालिका >> पहिली टी-२०: २२ जुलै >> दुसरी टी-२०: २४ जुलै >> तिसरी टी-२०: २७ जुलै

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3uHBlU3