नवी दिल्ली : चेन्नई सुपर किंग्सचा कर्णधार महेंद्रसिंग धोनीच्या घरी एक नवीन पाहुणा आला आहे. धोनीची पत्नी साक्षीने याबाबतची माहिती दिली आहे. साक्षीने याबाबतचा व्हिडीओ सोशल मीडियावर पोस्ट केला असून तो चांगलाच व्हायरल झाल्याचे पाहायला मिळत आहे. धोनीने काल एक महत्वाचे पाऊल उचलले होते आणि त्यामुळेच क्रिकेट चाहत्यांनी त्याच्यावर स्तुतीसुमनांचा वर्षाव केला होता. धोनीने सांगितले होते की, जोपर्यंत चेन्नईच्या संघातील प्रत्येक खेळाडू आपल्या घरी पोहोचत नाही, तोपर्यंत मी हॉटेलमध्येच राहणार आहे. चेन्नईच्या संघातील सर्व व्यक्ती आपल्या घरी पोहोचल्यावर मी माझ्या घरी जाणार आहे. या एका निर्णयाने धोनीने सर्वांची मनं जिंकली होती. त्याचबरोबर धोनीसाठी आता एक आनंदाची बातमी आली असून त्याच्या घरी एक नवीन पाहुणा आला आहे. धोनीची पत्नी साक्षीने यावेळी इंस्टाग्रामवर एक व्हिडीओ शेअर केला आहे. यामध्ये त्यांच्या घरी चेतक नावाच नवीन घोडा आल्याचे तिने सांगितले आहे. धोनी हा श्वानप्रेमी आहे. त्यामुळे धोनीच्या घरी बरेच श्वान आहेत. पण आता धोनीच्या घरी एक घोडा आल्याचे पाहायला मिळत आहे. साक्षीने यावेळी घरी आलेल्या चेतकचा एक व्हिडीओ आपल्या सोशल मीडियावर शेअर केला आहे. त्याचबरोबर या व्हिडीओखाली साक्षीने लिहिले आहे की, " आमच्या घरी चेतक नावाच्या घोड्याचे आगमन झाले आहे. चेतकचे आमच्या घरात स्गावत आहे. जो खुप प्रेमळ आणि सुंदर आहे. जेव्हा चेतक घरामध्ये असेलल्या लिली या श्वानाला भेटला तेव्हा त्याने एका चांगल्या व्यक्तीप्रमाणे तिच्याबरोबर व्यवहार केला. त्यामुळे त्याचा आनंदाने आम्ही आमच्या घरात स्विकार करत आहोत." आंतरराष्ट्रीय क्रिकेटमधून निवृत्ती घेतल्यावर धोनी आपल्या रांची येथील फार्महाऊसमध्ये राहीला होता. धोनीचे फार्महाऊस फार मोठे आहे. त्याचबरोबर धोनीने यावेळी सेंद्रीय शेतीही केल्याचे पाहायला मिळाले होते. धोनी आपल्या शेतामध्ये काम करत असल्याचे फोटो आणि व्हिडीओ त्यावेळी चांगलेच व्हाययरल झाले होते. त्यामुळे आता धोनी अजून कोणत्या उद्योगामध्ये शिरकाव करणार, याची उत्सुकता चाहत्यांना असेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2R4z9Hz
No comments:
Post a Comment