नवी दिल्ली : सध्याच्या घडीला फार कठीण काळ सुरु आहे आणि भारतीय क्रिकेटपटूवर तर दु:खाचा डोंगर कोसळला आहे. कारण काही दिवसांपूर्वी या क्रिकेटपटूच्या आइचे निधन झाले होते आणि आता तिच्या बहिणी वत्सलाचे करोनाने निधन झाल्याची घडना घडली आहे. भारताची महिला क्रिकेटपटू वेदा कृष्णमूर्तीच्या आयुष्यात एकामागून एक वाईट गोष्टी घडत असल्याचे पाहायला मिळत आहे. कारण तिच्या कुटुंबियातील दोन जवळच्या व्यक्तींनी तिची साथ सोडली आहे. कमी कालावधीमध्ये वेदाला हे दोन मोठे धक्के बसले असून तिच्यावर दु:खाचा डोंगर कोसळला आहे. काही दिवसांपूरवी वेदाने एक ट्विट केलं होतं. यामध्ये वेदाने सांगितले होते की, " माझ्या आईचे निधन झाले आहे. आमच्या कुटुंबियातील सर्वात जवळची व्यक्ती ही आई होती. त्याचबरबर माझ्या बहिणीला करोनाची बाधा झाली आहे. माझीही करोना चाचणी करण्यात आली असून त्याचा अहवाल निगेटीव्ह आला आहे. त्यामुळे आता मला बहिणीची चिंता आहे आणि मीदेखील एकांतवासात राहणार आहे." दोन आठवड्यांपूर्वी वेदाच्या आईचे निधन झाले होते. त्यावेळी वेदा आणि तिच्या बहिणीची करोना चाचणी करण्यात आली होती. या चाचणीत वेदाची बहीण करोना निगेटीव्ह असल्याचे समजले होते, पण वेदाच्या करोना चाचणीचा अहवाल हा निगेटीव्ह आला होता. त्यामुळे आईनंतर वेदाला आपल्या बहिणीची सर्वात जास्त चिंता वाटत होती. वेदाच्या बहिणीचेही काल निधन झाल्याचे वृत्त कानावर आले आहे. एका सोशल मीडियातील पोस्टच्या माध्यमातून ही गोष्ट आता समोर आली आहे. त्यामुळे फक्त दोन आठड्यांच्या कालावधीमध्ये वेदाला आपली आई आणि बहिण यांना गमवावे लागले आहे. त्यामुळे क्रिकेट विश्वात वेदाबाबत हळहळ व्यक्त केली जात आहे. त्याचबरोबर तिचे सांत्वनही केले जात आहे. भारतामधी क्रिकेटपटूंसाठी वाईट बातम्या...आयपीएल स्थगित झाल्यावर घरी पोहोचलेल्या राजस्थान रॉयल्सच्या चेतन साकरियाला एक वाईट बातमी समजली आहे. चेतनचे वडिल कांजीभाई यांना करोना झाला असून त्यांना हॉस्पिटलमध्ये दाखल करण्यात आले आहे. त्याचबरोबर राजस्थानचा क्रिकेटपटू विवेक यादवला करोना झाला होता आणि त्याचा आता मृत्यू झाला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ty31JS
No comments:
Post a Comment