नवी दिल्ली: क्रिकेटच्या मैदानावरील विक्रम आणि पराक्रमाच्या जोरावर शाब्बासकी मिळवणारे अनेक खेळाडू असता. पण असे काही खेळाडू असतात जे मैदानाबाहेर कामामुळे कौतुकास पात्र ठरतात. काही खेळाडू तर समाजासाठी अशी काही कामगिरी करतात की त्याच्यासाठी शब्द कमी पडावेत. करोना व्हायरसची संपूर्ण जग एका वर्षाहून अधिक काळापासून लढत आहे. भारतात सध्या करोनाची दुसरी लाट आली आहे. यामुळे अनेकांना पुन्हा एकदा घरी बसावे लागले असून त्यामुळे कुटुंबाचे पोट कसे भरायचे असा मोठा प्रश्न त्यांच्यासमोर निर्माण झालाय. अशा लोकाच्या मदतीला पुन्हा धावून आले आहेत भारताचे माजी क्रिकेटपटू बंधू इरफान आणि होय. वाचा- पठाण बंधूंनी दिल्लीतील आणि वडोदरा येथील करोना झालेल्या रुग्णांच्या कुटुंबीयांना मोफत अन्न धान्य देण्याची जबाबदीर घेतली आहे. करोनाची सुरुवात झाल्यापासून या दोघांना आतापर्यंत जवळ जवळ ९० हजार कुटुंबात रेशन पोहोचवले आहे. विशेष म्हणजे हे सर्व त्यांनी स्वत:च्या खर्चातून केले आहे. वाचा- संकट काळात अनेकांना पोट कसे भरायचे याची चिंता लागली असताना पठाण बंधूंनी त्यांची चिंता स्वत:च्या खांद्यावर घेतली. गेल्या वर्षी मदत करणारे पठाण बंधू आता पुन्हा एकदा मदतीसाठी सक्रीय झाले आहेत. करोनाची दुसरी लाट वेगाने पसरत चालली आहे. त्यामुळेच पठाण बंधू करोना बाधित कुटुंबीयांना मोफन अन्नधान्य देत आहेत. त्याच बरोबर विविध रुग्णाललयात PPE किट्स आणि मास्कचे वाटप या दोघांनी केले होते. इरफान आणि युसुफ यांनी वडिलांच्या नावाने सुरू केलेल्या संस्थेच्या माध्यमातून वडोदरा येथे करोना रुग्ण आणि कुटुंबीयांना मोफत अन्न तर क्रिकेट अकादमी ऑफ पठान्सच्या माध्यमातून दक्षिण दिल्लीत करोना रुग्ण आणि कुटुंबियांना मोफत जेवण देण्यास सुरुवात केली आहे. वाचा- पठाण बंधूंनी सुरू केलेल्या या मदतीसाठी सोशल मीडियावरून त्याचे कौतुक केले जात आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3bqAbod
No comments:
Post a Comment