जे योगी आदित्यनाथ यांना जमलं नाही ते सोनू सुदने करून दाखवलं, करोनाच्या काळात सुरेश रैनाला केली मोठी मदत

नवी दिल्ली : बॉलीवूड स्टार सोनू सुद आता भारताचा माजी क्रिकेटपटू सुरेश रैनाच्या मदतीला धावून आला आहे. करोनाच्या काळात रैनाला एक मदत हवी होती, यावेळी सरकारने त्याची मदत केली नसली तरी त्याला सोनूने मदत केली आहे. रैनाने एक ट्विट केले होते. या ट्विटमध्ये रैनाने म्हटले होते की, " माझ्या नातोवाइकांना ऑक्सिनजची मेरठमध्ये गरज आहे. त्यांना कोव्हिड झाला आहे आणि त्यांना त्वरीत ऑक्सिजनची गरज आहे." याबाबतचे ट्विट रैनाने केले होते आणि त्याने उत्तर प्रदेशचे मुख्यमंत्री योगी आदित्यनाथ यांच्याकडे मदत मागितली होती. पण त्यांच्याकडून मदतीची हाक आली नसली तरी यावेळी सोनू सुद रैनाच्या मदतीला धावला आहे. सोनूने यावेळी ट्विट केले आणि रैनाला नेमकी कुठे ऑक्सिजनची गरज आहे, ते विचारून घेतले. त्यानंतर दहा मिनिटांतच या ठिकाणी ऑक्सिजनचा पुरवढा करण्यात येईल, असे सोनूने सांगितले. सुरेश रैनाचे नातेवाईक मेरठ येथे राहतात. त्यांना करोना झाला असून त्यांचे वय ६५ वर्षे एवढे आहे. त्यांना ऑक्सिजनची नितांत गरज भासत होती, पण कुठेच ऑक्सिजन मिळत नव्हता. यावेळी रैनाने ट्विटरवर एक पोस्ट टाकली आणि त्यामध्ये त्याने सर्व माहितीसह ऑक्सिजन सिलेंडरची गरज असल्याचे सांगितले. रैनाने हे ट्विट उत्तरप्रदेशचे मुख्यमंत्री योगी आदित्यनाथ यांना टॅग केले होते. ही सर्व गोष्ट सोनू सुदने पाहिली आणि त्याने तात्काळ रैनाला मदत करण्याचे ठरवले. रैनाच्या ट्विटवर सोनूने एक मेसेज टाकला आणि त्याच्याकडून पत्ता मागून घेतला. त्यानंतर सोनूनने फक्त १० मिनिटांमध्ये तुझ्या नातेवाइकांना ऑक्सिजनचा सिलेंडर मिळेल, असे सांगितले. त्यामुळे सोनूने यावेळी मदतीचा हात यावेळी रैनासाठीही पुढे केला. करोनाच्या काळात सोनूने बऱ्याच जणांना मदत केली आहे. त्याचबरोबर करोनाच्या काळात मजुरांना त्यांच्या गावी पोहोचवण्यातही सोनूने महत्वाचा वाटा उचलला होता. त्यामुळे त्याचे आभारही बऱ्याच जणांनी मानले होते. सोनू अजूनही लोकांना मदत करत असल्याचेच पाहायला मिळत आहे.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3tpmFaD