नवी दिल्ली: आयपीएलचा १४वा हंगाम स्थगित झाल्यानंतर आता भारतीय क्रिकेट संघ इंग्लंडच्या दौऱ्यावर जाणार आहे. इंग्लंडविरुद्धच्या कसोटी मालिकेआधी भारतीय संघ आयसीसी वर्ल्ड टेस्ट चॅम्पियनशिपची फायनल खेळणार आहे. वाचा- टेस्ट चॅम्पियनशिपची फायनल साउथहँप्टन येथे न्यूझीलंडविरुद्ध होणार आहे. ही लढत १८ ते २२ जून या काळात होईल. भारतीय वेळेनुसार पहाटे साडे तीन वाजता ही मॅच सुरू होईल. टेस्ट चॅम्पियनशिपनंतर भारतीय संघ इंग्ंलडविरुद्ध कसोटी मालिका खेळणार आहे. वाचा- इंग्लंडविरुद्धची कसोटी मालिका पाच सामन्यांची असणार आहे. यातील पहिली लढत ४ ते ८ ऑगस्ट या काळात नॉटिंघम येथे होईल. त्यानंतर दुसरी लढत १२ चे १६ ऑगस्ट दरम्यान लंडनमधील एतिहासिक अशा लॉर्ड्स मैदानावर होणार आहे. वाचा- मालिकेतील तिसरी लढत २५ ते २० ऑगस्ट दरम्यान लीड्स मैदाावर, चौथी लढत २ ते ६ सप्टेंबर दरम्यान द ओव्हल येथे तर अखेरची कसोटी १० ते १४ सप्टेंबर या काळात मॅनचेस्टर येथे होणार आहे. या सर्व लढती भारतीय वेळेनुसार पहाटे साडे तीन वाजता सुरू होतील. वाचा- फायनलसाठी गांगुली आणि शहा हे दोघे उपस्थित राहू शकतात. याच बरोबर इंग्लंड आणि वेल्स क्रिकेट बोर्डासोबत आयपीएलच्या १४व्या हंगातील उर्वरीत ३१ लढती इंग्लंडमध्ये आयोजित करण्यासंदर्भातील चर्चा होणार आहे. गांगुली आणि शहा यांच्या भेटीत आंतरराष्ट्रीय क्रिकेट बोर्डाच्या काही निर्णयांवर देखील इंग्लंड आणि वेल्स बोर्डाशी चर्चा होऊ शकते. वाचा- असा आहे भारतीय संघ- विराट कोहली (कर्णधार), अजिंक्य रहाणे (उपकर्णधार), रोहित शर्मा, शुभमन गिल, चेतेश्वर पुजारा, हनुमा विहारी, ऋषभ पंत, आर अश्विन, रविंद्र जडेजा, अक्षर पटेल, वॉशिंग्टन सुंदर, भुवनेश्वर कुमार, इशांत शर्मा, मोहम्मद शमी, मोहम्मद सिराज, शार्दुल ठाकूर, उमेश यादव केएल राहुल आणि वृद्धीमान साहा यांची निवड फिटनेसनंतर केली जाईल. वाचा- असा आहे भारताचा इंग्लंड दौऱ्यातील कार्यक्रम WTC फायनल न्यूझीलंडविरुद्ध- १८ ते २२ जून (वेळ-पहाटे साडे तीन), साउथहँप्टन इंग्लंडविरुद्धची पाच सामन्यांची कसोटी मालिका पहिली कसोटी- ४ ते ८ ऑगस्ट, नॉटिंघम दुसरी कसोटी- १२ ते १६ ऑगस्ट, लॉर्ड्स तिसरी कसोटी- २५ ते २९ ऑगस्ट, लीड्स चौथी कसोटी- २ ते ६ सप्टेंबर, द ओव्हल पाचवी कसोटी- १० ते १४ सप्टेंबर, मॅनचेस्टर
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3uzrnE7
No comments:
Post a Comment