नवी दिल्ली : सामन्याा काही मिनिटं शिल्लक असतानाच पंजाब किंग्सच्या संघाला कर्णधार लोकेश राहुलच्या रुपात मोठा धक्का बसला. कारण आता राहुलवर शस्त्रक्रीया करण्यात येणार असे समजते आहे. पण त्यानंतर आजच्या सामन्यात पंजाबच्या संघाने नेतृत्व कोण करणार, हा प्रश्न संघ व्यवस्थापनाला नक्कीच पडला असेल. सध्याच्या घडीला पंजाबच्या संघात सर्वात जास्त अनुभव हा ख्रिस गेलकडे आहे. पंजाबचा संघ सध्याच्या घडीला अडचणीत सापडला आहे. कारण दिल्लीविरुरुद्धच्या सामन्यापूर्वीच कर्णधार लोकेश राहुल हॉस्पिटलमध्ये दाखल झाला आहे. त्यामुळे यावेळी गेलकडे पंजाबच्या संघाचे कर्णधारपद जाणार का, याकडे सर्वांचे लक्ष लागलेले आहे. जेव्हा कोणत्याही संघात अशी गोष्ट घडते तेव्हा काही गोष्ट पाहिल्या जातात. एक तर या संघातील उपकर्णधार कोण आहे किंवा या संघातील सर्वात अनुभवी खेळाडू कोण आहे. या दोन खेळाडूंपैकी एका खेळाडूची निवड ही संघाच्या कर्णधारपदी करण्यात येऊ शकते. सध्याच्या घडीला पंजाबच्या संघाचा उप कर्णधार हा मयांक अगरवाल आहे. त्यामुळे कदाचित मयांकडे पंजाबच्या संघाचे कर्णधारपद देण्यात येऊ शकते, अशी दाट शक्यता आहे. त्यामुळे आजच्या सामन्यात पंजाबच्या कर्णधारपदी मयांक अगरवाल आपल्याला दिसू शकतो. केएल राहुलला अपेंडिसिटिसचा त्रास झाल्याने त्याला शनिवारी रात्री रुग्णालयात दाखल करण्यात आले. राहुलने आयपीएल २०२१ मध्ये सर्वाधिक धावा केल्या आहेत. त्याने सात सामन्यात ३३१ धावांसह ऑरेंज कॅप स्वत:कडे राखली आहे. राहुलला अपेंडिसिटिसचा त्रास होत असल्याचे निदान झाले. यासाठी शस्त्रक्रियेची गरज होती. सुरक्षेसाठी म्हणून त्याला रुग्णालयात दाखल करण्यात आल्याचे संघाने निवेदनात म्हटले आहे. त्यानुसारच राहुलवर आता उपचार करण्यात येणार आहेत. त्यामुळे आता राहुल किती दिवस संघाच्या बाहेर राहतो, हे पाहावे लागेल. सध्याच्या घडीला आयपीएलमधील सर्वात जास्त धावा राहुलच्या नावावर होत्या. त्यामुळे राहुल खेळणार नसल्यामुळे पंजाबला मोठा धक्का बसला आहे. त्यामुळे आता राहुलच्या जागी पंजाबच्या संघात कोणत्या खेळाडूला संधी देण्यात येते, हे पाहणे उत्सुकतेचे असणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3aVQZU0
No comments:
Post a Comment