नवी दिल्ली : आयपीएलचे उर्वरीत सामने आता सप्टेंबरमध्ये खेळवण्या येणार असल्याचे म्हटले जात आहे. पण इंग्लंडचे खेळाडू आता आयपीएलमध्ये खेळणार नाहीत, हे स्पष्ट झाले आहे. इंग्लंडचे खेळाडू आयपीएलचे सामने का खेळणा नाही, याचे मोठे कारणही आता समोर आले आहे. इंग्लंडच्या संघाचे वेळापत्रक आहे तरी काय, पाहा...भारत आणि इंग्लंड यांच्यामध्ये पाच कसोटी सामन्यांची मालिका खेळवण्यात येणार आहे. ही मालिका संपल्यावर इंग्लंडचा संघ १६ सप्टेंबरला बांगलादेशच्या दौऱ्यासाठी रवाना होणार आहे. या दौऱ्या इंग्लंडचा संघ मर्यादीत षटकांचे सहा सामने खेळणार आहे. त्यानंतर ऑक्टोबर महिन्यात इंग्लंडचा संघ हा पाकिस्तानच्या दौऱ्यावर जाणार आहे. इंग्लंडचा संघ १६ वर्षांमध्येच प्रथमच पाकिस्तानच्या दौऱ्यावर जाणार आहे. त्यानंतर इंग्लंडचा संघ भारतामध्ये ट्वेन्टी-२० विश्वचषक खेळायला येणार आहे. विश्वचषक संपल्यावर इंग्लंडचा संघ अॅशेस मालिकेची तयारी करण्यासाठी ऑस्ट्रेलियाला रवाना होणार आहे. अॅशेस मालिका ही ८ डिसेंबरपासून सुरु होणार आहे. अॅशेस मालिका संपल्यावर इंग्लंडचा संघ वेस्ट इंडिजच्या दौऱ्यावर जाणार आहे. इंग्लंडच्या क्रिकेट मंडळातील अधिकाऱ्यांनी काय सांगितले, पाहा...इंग्लंडच्या क्रिकेट मंडळाचे डायरेक्टर असलेले माजी खेळाडू अॅश्ले जाइल्स यांनी याबाबतेचे मोठे विधान केले आहे. जाइल्स यांनी सांगितले की, " आयपीएलमध्ये खेळण्यासाठी आम्ही इंग्लंडच्या खेळाडूंना एका स्पर्धेमधून सुटही दिली होती. आयपीएलमध्ये खेळणाऱ्या खेळाडूंना आम्ही न्यूझीलंडविरुद्धच्या मालिकेत न खेळण्याची मुभा दिली होती. पण आता यापुढे आयपीएलचे सामने आणि देशाचे सामने हे एकाचवेळी होऊ शकतात, असे दिसत आहे. त्यामुळे इंग्लंडचे खेळाडू आपल्या राष्ट्रीय संघाबरोबर व्यस्त असतील." सध्याच्या घडीला इंग्लंडचे खेळाडू हे क्वारंटाइन आहेत. काही दिवसांपूर्वी इंग्लंडच्या सर्व खेळाडूंना मायदेशी सुरक्षितपणे पोहोचवण्यात आले होते. त्याचबरोबर त्यांना आता क्वारंटाइन करण्यात आले असून ते काही दिवसांमध्ये सरावही सुरु करणार आहेत. पण यावर्षी मात्र ते आयपीएलचे सामने खेळू शकणार नाहीत, असेच दिसत आहे. कारण इंग्लंडच्या संघाचे काही सामने यापुढे सुरु राहणार आहेत. त्यामुळे त्यांना आयपीएलचे सामने खेळता येणार नाहीत, असे म्हटले जात आहे. त्यामुळे आयपीएलसाठी हा एक मोठे धक्का असून शकतो.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2RNtqG2
No comments:
Post a Comment