अहमदाबाद : पंजाब किंग्सच्या लोकेश राहुलला आजच्या सामन्यापूर्वी दुखापत झाली आणि त्यांना एक मोठा धक्का बसला. पण आजच्या दिल्ली कॅपिटल्सविरुद्धच्या सामन्यामध्ये खेळण्यापूर्वी लोकेश राहुलच्या जागी संघात कोणता खेळाडू येणार, याची उत्सुकता सर्वांनाच होती. पण आजच्या सामन्यासाठी पंजाबच्या संघात ट्वेन्टी-२० क्रिकेटमधील धडाकेबाज फलंदाज डेव्हिड मलानला संधी देण्यात आली आहे. मलानला आजच्या सामन्यात संधी देण्यात आली आहे. त्यामुळे या सामन्यात सलामीला मयांक अगरवालबरोबर कोण उतरतं, हे पाहणे महत्वाचे असेल. त्याचबरोबर ख्रिस गेल आणि डेव्हिड मलान यांना कोणत्या स्थानावर खेळवायचे, याचा विचारही पंजाबच्या संघाला करावा लागणार आहे. त्यामुळे मयांक अगरवाल आजच्या सामन्यात फलंदाजी क्रमाबाबत नेमका कोणता निर्णय घेतो, याकडे सर्वांचे लक्ष असेल. पंजाब किंग्सच्या संघाला कर्णधार लोकेश राहुलच्या रुपात मोठा धक्का बसला. कारण आता राहुलवर शस्त्रक्रीया करण्यात येणार असे समजते आहे. पण त्यानंतर आजच्या सामन्यात पंजाबच्या संघाने नेतृत्व कोण करणार, हा प्रश्न संघ व्यवस्थापनाला नक्कीच पडला होता. पण मयांक अगरवाल हा संघाचा उपकर्णधार होता, त्यामुळे राहुल खेळत नसताना आता मयांककडे संघाचे नेतृत्व सोपवण्यात आले आहे. पण राहुलची कमी यावेळी पंजाबच्या संघाला नक्कीच जाणवेल. राहुलने आयपीएल २०२१ मध्ये सर्वाधिक धावा केल्या आहेत. त्याने सात सामन्यात ३३१ धावांसह ऑरेंज कॅप स्वत:कडे राखली आहे. राहुलला अपेंडिसिटिसचा त्रास होत असल्याचे निदान झाले. यासाठी शस्त्रक्रियेची गरज होती. सुरक्षेसाठी म्हणून त्याला रुग्णालयात दाखल करण्यात आल्याचे संघाने निवेदनात म्हटले आहे. त्यानुसारच राहुलवर आता उपचार करण्यात येणार आहेत. त्यामुळे आता राहुल किती दिवस संघाच्या बाहेर राहतो, हे पाहावे लागेल. सध्याच्या घडीला आयपीएलमधील सर्वात जास्त धावा राहुलच्या नावावर होत्या. त्यामुळे राहुल खेळणार नसल्यामुळे पंजाबला मोठा धक्का बसला आहे. त्यामुळे आता राहुलच्या जागी पंजाबच्या संघात कोणत्या खेळाडूला संधी देण्यात येते, हे पाहणे उत्सुकतेचे असणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2QMyxX3
No comments:
Post a Comment