पाकिस्तानचे क्रिकेटपटू सुधारणार तरी कधी, मैदानात केलेल्या असभ्य कृतीचा व्हिडीओ जगभरात व्हायरल

नवी दिल्ली : पाकिस्तानचे क्रिकेटपटू नेमके सुधारणार तरी कधी, असा प्रश्न आता क्रिकेट जगतामध्ये विचारला जात आहे. कारण पाकिस्तानच्या क्रिकेटपटूने मैदानात एक असभ्य कृती केल्याचे पाहायला मिळाले आहे. या क्रिकेटपटूच्या असभ्य कृतीचा व्हिडीओ सध्याच्या घडीला चांगलाच व्हायरल झाला आहे. पाकिस्तानचा संघ सध्या झिम्बाब्वेविरुद्ध कसोटी मालिका खेळत आहे. या दोन्ही संघांतील दुसऱ्या कसोटी सामन्यात वेगवान गोलंदाज हसन अलीने चांगली गोलंदाजी केली. पहिल्या डावात त्याने चार विकेट्सही पटकावल्या. पण दुसऱ्या डावात मात्र त्याला अपेक्षित यश मिळत नसल्याचे पाहायला मिळाले आणि त्याचवेळी त्याच्याकडून मैदानात असभ्य कृती घडली. ही गोष्ट घडली ती ४९व्या षटकात ज्यावेळी झिम्बाब्वेचा ल्यूक जोंगवे हा फलंदाजी करत होता. हसनने यावेळी एक चेंडू असा टाकाल की ल्यूकला तो खेळता आला नाही. पण त्यानंतरच्या चेंडूवर ल्यूकने चौकार लगावत हसनला चोख उत्तर दिले. त्यावेळी हसन चांगला भडकल्याचे पाहायला मिळाला आणि तो थेट ल्यूकला जाऊन भिडला. यावेळी ल्यूकही मागे हटला नाही, तोदेखील हसनच्या डोळ्यात डोळे घालून त्याच्याशी बोलत होता. यावेळी हे प्रकरण आता वेगळेच वळण घेईल, असे दिसत होते. त्यावेळी पाकिस्तानचे काही खेळाडू आणि पंच यांनी परिस्थिती नियंत्रणात आणली. यानंतर हसन गोलंदाजी करण्यासाठी सज्ज झाला. जेव्हा हसन स्टम्पच्या दिशेने धावत आला त्यावेळी ल्यूक हा बाजूला हटला आणि आपण चेंडू खेळण्यात तयार नसल्याचे त्याने सांगितले. त्यावेळी पुन्हा एकदा या दोघांमध्ये नजरा नजर झाली. पण त्यावेळी कोणताही अनुचित प्रकार घडला नाही. त्यानंतर गोलंदाजी करताना हसनने ल्यूकला चिडवल्याचे पाहायला मिळाले. हसन यावेळी गोलंदाजी करत असताना आपल्या जिभेने ल्यूकला चिडवत असल्याचे यावेळी पाहायला मिळाले. हसनचा हा व्हिडीओ क्रिकेट विश्वामध्ये चांगलाच व्हायरल होत असल्याचे पाहायला मिळत आहे. पण याप्रकरणी हसनवर आयसीसी कोणती कारवाई करणार की नाही, हे पाहावे लागणार आहे.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3y2qpSY