लंडन: पुढील महिन्यात इंग्लंड आणि न्यूझीलंड यांच्यात दोन सामन्यांची कसोटी मालिका होणार आहे. या मालिकेत इंग्लंडचे जे खेळाडू आयपीएलच्या १४व्या हंगामात सहभागी झाले होते त्यांना स्थान मिळण्याची शक्यता कमी दिसते. इंग्लंड आणि वेल्स क्रिकेट बोर्डाने यासंदर्भात माहिती दिली आहे. वाचा- बोर्डाच्या मते कोणत्याही सरावा शिवाय या खेळाडूंना क्वारंटाइनमधून थेट कसोटी क्रिकेट खेळण्यास उतरवे योग्य नाही. यामुळे जोस बटलर, जॉनी बेयरस्टो, ख्रिस वोक्स, सॅम करन, मोइन अली सारख्या खेळाडूंना दोन जूनपासून सुरू होणाऱ्या न्यूझीलंडविरुद्धच्या कसोटी मालिकेत खेळता येणार नाही. वाचा- आयपीएलमध्ये खेळलेल्या वरील खेळाडूंचा क्वारंटाइन कालावधी या आठवड्यात संपणार आहे. तर न्यूझीलंडविरुद्धची पहिली कसोटी लॉर्डर्सवर दोन आठवड्यांनी सुरू होईल. बीसीसी स्पोटर्सने दिलेल्या वृत्तानुसार आयपीएलमध्ये सहभागी झालेल्या खेळाडूंकडे खुप कमी कालावधी शिल्लक राहिला आहे. यामुळे ओली रॉबिनसन, क्रेग ओव्हरटन आणि जेम्स ब्रासे या सारख्या खेळाडूंना संधी मिळू शकते. वाचा- द इंडिपेंडेंटने दिलेल्या वृत्तानुसार, कसोटी क्रिकेटचा अभ्यास करण्याची संधी न मिळणे ही काळजीचा विषय आहे. तर इंग्लंडचे अन्य काही खेळाडू गेल्या काही आठवड्यांपासून काउंटी चॅम्पियनशिपमध्ये खेळत आहेत. वाचा- इंग्लंडचे मुख्य प्रशिक्षक ख्रिस सिल्वरवुड यांनी मंगळवारी निवड समितीची बैठक बोलावली आहे. याआधी इंग्लंड बोर्डाचे व्यवस्थापक एशले जाइल्स यांनी संकेत दिले होते की निलंबित करण्यात आलेल्या आयपीएलमधून परतलेल्या खेळाडूंना न्यूझीलंडविरुद्धच्या कसोटी मालिकेत स्थान मिळण्याची शक्यता कमी आहे. आयपीएलमध्ये इंग्लंडच्या ११ खेळाडूंनी भाग घेतला होता. आयपीएलच्या बायो बबलमध्ये करोनाचा शिरकाव झाल्याने चार मे पासून ही स्पर्धा अनिश्चित काळासाठी स्थगित करण्यात आली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3eQvQg8
No comments:
Post a Comment