नवी दिल्ली: आयपीएल २०२१मध्ये आज होणारी २७वी लढत () आणि ( ) या दोन संघात होणार आहे. नवी दिल्लीच्या अरुण जेठली स्टेडियवर ही लढत होईल. आयपीएलमधील हे दोन्ही संघ सर्वात यशस्वी आहेत. या दोन्ही संघांचा चाहता वर्ग देखील सर्वाधिक आहे. मुंबईने पाच वेळा तर त्यानंतर चेन्नईने तीन वेळा आयपीएलचे विजेतेपद मिळवले आहे. या दोन्ही संघात जेव्हा जेव्हा लढतीत होतात तेव्हा चाहत्यांची देखील उत्सुकता वाढत जाते. या दोन्ही संघातील आतापर्यंतच्या लढतीचा विचार केल्यास मुंबईचे पारडे जड दिसते. या हंगामात हे दोन्ही संघ प्रथमच एकमेकांसमोर आले आहे. मुंबई आणि चेन्नई यांच्यातील दुसरी लढत ६ मे रोजी होणार आहे. आयपीएलच्या इतिहासात या दोन्ही संघात ३० वेळा लढत झाली असून त्यापैकी १८ लढती मुंबईने तर १२ लढती चेन्नईने जिंकल्या आहेत. गेल्या काही वर्षा रोहित शर्माच्या नेतृत्वाखाली मुंबई संघाला चेन्नई विरुद्ध विजय मिळवता आलाय. अखेरच्या पाच लढतीत चार मुंबईने तर एक लढत चेन्नईने जिंकली आहे. गेल्या हंगामात मुंबईने चेन्नईचा १० विकेटनी पराभव केला होता. दोन्ही संघातील सर्वाधिक धावा करणाऱ्या फलंदाजांमध्ये चेन्नईचा सुरेश रैना अव्वल स्थानी आहे. त्याने मुंबईविरुद्ध ७३० धावा तर चेन्नईविरुद्ध रोहित शर्माने ६५८ धावा केल्या आहेत. या हंगामात आतापर्यंत झालेल्या सहा लढतीत चेन्नईने पहिली लढत वगळता सलग पाच विजय मिळून गुणतक्यात अव्वल स्थान मिळवले आहे. तर मुंबई ६ पैकी ३ विजय आणि ३ पराभवासह चौथ्या स्थानावर आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3t9ytO7
No comments:
Post a Comment