दुबई : रोहित शर्माच्या दुखापतीबाबत आतापर्यंत बरीच चर्चा झाली. डिसेंबर महिन्यात होणाऱ्या ऑस्ट्रेलियाच्या दौऱ्यासाठी रोहितला दखापतीमुळे संघात स्थान देण्यात आले नव्हते. पण आजच्या आयपीएलमधील सामन्यासाठी रोहित शर्मा फिट झाला असून मुंबई इंडियन्ससाठी ही आनंदाची बातमी आहे. त्यामुळे मुंबई इंडियन्सच्या आजच्या सामन्यात रोहित खेळणार असल्याचे काही मिनिटांपूर्वीच स्पष्ट झाले आहे. रोहित दुखापतग्रस्त असल्यामुळे त्याची निव़ड ऑस्ट्रेलियाच्या दौऱ्यासाठी झाली नव्हती. बीसीसीआयच्या वैद्यकीय समितीने याबाबतचा अहवालही दिला होता. त्यानंतर भारताचे मुख्य प्रशिक्षक रवी शास्त्री यांनीही रोहित जर दुखापतग्रस्त असेल तर त्याने ऑस्ट्रेलियाच्या दौऱ्यावर येऊ नये, असे म्हटले होते. पण रोहितने आजच्या सामन्यात खेळत या सर्वांनाच एक जोरदार चपराक लगावल्याचे पाहायला मिळत आहे. एका मुलाखतीत गांगुली म्हणाला, आपल्या सर्वांची इच्छा आहे की रोहित शर्मा ऑस्ट्रेलियाच्या दौर्यावर जावा. पण तो फिट झाला पाहिजे. जर तो फिट झाला तर निवड समिती पुन्हा त्याला संघात घेण्याबद्दल नक्कीच विचार करेल. रोहित नक्कीच ऑस्ट्रेलियाला जाऊ शकतो. फक्त तो फिट असला पाहिजे असे गांगुलीने सांगितले. आयपीएलमध्ये रोहित शर्माच्या गैरहजेरीत सध्या कायरॉन पोलार्ड संघाचे नेतृत्व करत आहे. मुंबईने गुणतक्त्यात अव्वल स्थान मिळवून प्ले ऑफमध्ये प्रवेश केला आहे. आता त्यांची लढत पहिल्या क्वालीफायरमध्ये दिल्ली कॅपिटल्स विरुद्ध होणार आहे. या सामन्यात रोहित शर्मा फिट होईल आणि पुन्हा एकदा मैदानात दिसण्याची शक्यता व्यक्त केली जात आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/384umw0
No comments:
Post a Comment