नवी दिल्ली : या वर्षी झालेल्या आयपीएलमध्ये किंग्स इलेव्हन पंजाबचा धडाकेबाज फलंदाज ख्रिस गेल हा पूर्ण सामने खेळला नव्हता. गेलचे आता वयही वाढलेले आहे. त्यामुळे गेल आता पुढच्या वर्षी आयपीएलमध्ये खेळणार की नाही, याबाबतचे मोठे विधान पंजाबचे संघ मालक नेस वाडिया यांनी आज केले आहे. गेलची बॅट आयपीएलमध्ये चांगलीच तळपली होती. पण त्याला क्षेत्ररक्षणामध्ये काही समस्या जाणवत होती. पण तरीही पंजाबच्या संघाने गेलवर विश्वास दाखवला आहे. गेल हा पुढच्या वर्षीच्या आयपीएलमध्ये पहिल्या सामन्यापासून संघासाठी मैदानात उतरेल, असा विश्वास वाडिया यांनी यावेळी व्यक्त केला आहे. या आयपीएलमध्ये गेलला काही सामन्यांना मुकावे लागले होते. पण पुढच्या मोसमात गेलने पहिल्या सामन्यापासून मैदानात उतरायला हवे, असे वाडिया यांना वाटत आहे. पंजाबच्या संघाला कोणत्या गोष्टीमुळे फटका बसला, पाहा... पंजाबच्या संघाला कोणत्या गोष्टीमुळे फटका बसला, याबाबत वाडिया यांनी आपले मत व्यक्त केले आहे. वाडिया यावेळी म्हणाले की, " संघाचे कर्णधार आणि प्रशिक्षक सातत्याने बदलत गेले आणि त्याचाच फटका संघाला सर्वात जास्त बसला आहे. पण आम्ही यावेळी संघाचे कर्णधारपद लोकेश राहुलकडे दिले आहे आणि मुख्य प्रशिक्षक पदाची जबाबादारी भारताचे माजी महान गोलंदाज अनिल कुंबळे यांच्याकडे दिली आहे. या मोसमात त्यांच्याकडून चांगली कामगिरी झाली. पण तीन वर्षे तरी आम्ही आता संघात मोठे बदल करणार नाही. या गोष्टीचा नक्कीच आमच्या संघाला फायदा होईल, असे मला तरी वाटते." या वर्षी झालेल्या आयपीएलमध्ये पंजाबची फलंदाजी चांगली होत होती. पण त्यांना पहिल्या सात सामन्यांमध्ये फक्त एकच सामना जिंकता आला होता आणि त्यांना तब्बल सहा लढतींमध्ये पराभव पत्करावा लागला होता. त्यानंतर पंजाबच्या संघाने सलग पाच सामने जिंकले होते. त्यामुळे ते प्ले-ऑफच्या शर्यतीमध्ये होते. पण निर्णायक सामन्यांमध्ये त्यांना चांगली कामगिरी करता आली नाही आणि त्यांना पराभव पत्करावा लागला. त्यामुळेच या वर्षीच्या आयपीएलमध्ये पंजाबच्या संघाला प्ले-ऑफमध्ये स्थान पटकावता आले नव्हते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3kLiX79
No comments:
Post a Comment