सिडनी : आतापर्यंत बऱ्याच जबरदस्त कॅचेस तुम्ही पाहिल्या असतील. पण सध्याच्या घडीला जो व्हिडीओ व्हायरल झाला आहे तशी भन्नाट कॅच तुम्ही आतापर्यंत पाहिली नसेल. कारण या कॅचसाी दोन खेळाडूंनी प्रयत्न केले होते आणि त्यांचा अंदाज एवढा अचूक ठरला की फलंदाजासह सर्वांनाच आश्चर्याचा मोठा धक्का बसला. चार वेगवेगळ्या कॅमेऱ्यांमधून हा झेल टिपण्यात आला आहे आणि हे चारही अँगल तुम्ही एकाच वेळी पाह शकता. हा सामना मेलबर्न आणि अॅडलेड या दोन संघांमध्ये झाला होता. यावेळी मेलबर्नच्या संघातील ड्वेन ब्राव्हो फलंदाजी करत होता, तर अॅडलेडच्या संघातील फिरकीपटू रशिद खान हा गोलंदाजी करत होता. रशिदच्या एका चेंडूवर ब्राव्होने जोरदार फटका लगावल्याचे पाहायला मिळाले. हा चेंडू आता सीमापार जाणार आणि ब्राव्होला षटकार मिळणार, असे वाटत होते. पण तिथे अॅडलेडच्या संघातील बेन लॉघलिनने नेत्रदीपक क्षेत्ररक्षण केल्याचे पाहायला मिळाले. ब्राव्होने मारलेल्या चेंडूचा अंदाज घेत बेन त्यादिशेने धावत सुटला. ब्राव्होने मारलेल्या चेंडूचा बेनने अचूक अंदाज घेतला आणि त्याने हा झेल टिपला. पण हा झेल टिपत असताना बेन हा सीमारेषेजवळ आला होता आणि त्याला तोल सुटणार असे त्याला समजून चुकले होते. पण तिथे काही अंतरावर एक क्षेत्ररक्षक उभा असल्याचे बेनला दिसले आणि तो चेंडू बेनने सीमारेषा ओलांडण्यापूर्वीच त्या क्षेत्ररक्षकाकडे फेकला. बेनने झेल घेतला असला तरी धावत आल्यामुळे त्याला सीमारेषेच्या आतमध्ये थांबणे त्याला शक्य नव्हते. त्यामुळे आपण सीमारेषेवर धडपडणार आणि चेंडू हातात असला तर ब्राव्होला षटकार मिळणार, हे त्याला समजून चुकले होते. त्यामुळे तिथून थोड्या लांबवर असलेल्या क्षेत्ररक्षकाकडे त्याने हा चेंडू अचक फेकला. त्यानंतर या क्षेत्ररक्षकाने तो चेंडू झेलला आणि ब्राव्होला बाद व्हावे लागले. यावेळी बेनने जी समयसुचकता दाखवली, त्याचे कौतुक सर्वच जण करताना दिसत होते. (बिग बॅश लीगमधील काही व्हिडीओ आता चांगलेच व्हायरल होताना दिसत आहेत. पण हे व्हिडीओ ताज्या सामन्यांमधील नाहीत.)
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3pGZfNt
No comments:
Post a Comment