नवी दिल्ली: सध्या ऑस्ट्रेलिया दौऱ्यावर असलेला भारतीय संघ वनडे आणि टी-२० मालिकेनंतर कसोटी मालिका खेळणार आहे. चार सामन्यांच्या कसोटी मालिकेतील पहिली लढत १७ डिसेंबर रोजी होणार आहे. या मालिके संदर्भात ऑस्ट्रेलियाचा माजी कर्णधार मायकल क्लार्कने एक मोठे विधान केलय. वाचा- क्लार्कच्या मते जर भारतीय कर्णधार विराट कोहलीची बॅट कसोटी मालिकेपूर्वी चालली नाही म्हणजे वनडे आणि टी-२० मध्ये तर भारताचा कसोटी मालिकेत ४-० असा पराभव होऊ शकतो. विराटच्या नेतृत्वाखाली वनडे आणि टी-२० मालिका खेळवली जाणार आहे. त्याच्या मते जर भारताने या दोन मालिकेत खराब कामगिरी केली तर कसोटी मालिकेत त्यांना आणखी अडचणी येऊ शकतात. वाचा- भारताचा कर्णधार विराट कोहली कसोटी मालिकेतील फक्त एकच सामना खेळणार आहे. त्यानंतर तो भारतात परत येणार आहे. विराट बाप होणार असून पत्नी अनुष्कासाठी तो भारतात येणार आहे. विराटच्या भारतात परत येण्यावर क्लार्क म्हणाला, कोहली जरी फक्त एक कसोटी सामना खेळणार असला तरी ती कसोटी संपूर्ण मालिकेवर परिणाम करू शकते. जर विराटने वनडे आणि टी-२० मालिकेत वचर्स्व ठेवले तर तो कसोटी मालिकेवर देखील प्रभाव टाकू शकतो. वाचा- ऑस्ट्रेलिया संघाला दबावात टाकण्यासाठी जसप्रीत बुमराहला आक्रमक गोलंदाजी करावी लागले. बुमराह डेव्हिड वॉर्नर आणि स्टीव्ह स्मिथला अडचणीत आणू शकतो. भारतीय संघाला जर विजय मिळवायचा असेल तर कोहली आणि बुमराहला आक्रमक व्हावे लागले, असे क्लार्क म्हणाला. भारत आणि ऑस्ट्रेलिया मालिकेचे वेळापत्रक जाणून घ्या आणि हे सामने कुठे पाहाल.... वनडे मालिका १) पहिली वनडे- २७ नोव्हेंबर, सिडनी २) दुसरी वनडे- २९ नोव्हेंबर, सिडनी ३) तिसरी वनडे- २ डिसेंबर, मानकुआ ओव्हल (हे सर्व सामने भारतीय वेळेनुसार सकाळी ९.१० वाजता सुरू होतील) --- टी-२० मालिका १) पहिली टी-२०: ४ डिसेंबर, मानकुआ ओव्हल २) दुसरी टी-२०: ६ डिसेंबर, सिडनी ३) तिसरी टी-२०: ८ डिसेंबर, सिडनी (हे सर्व सामने भारतीय वेळेनुसार दुपारी १.४० वाजता सुरू होतील) --- सराव लढती ६ ते ८ डिसेंबर- सराव सामना, ड्रमोनी ओव्हल, सिडन ११-१३ डिसेंबर- सराव सामना (डे-नाइड), सिडनी --- कसोटी मालिका १) पहिली कसोटी- १७ ते २१ डिसेंबर, एडिलेड ओव्हल- डे/नाईट २) दुसरी कसोटी- २६ ते ३० डिसेंबर, मेलबर्न ३) तिसरी कसोटी- ७ ते ११ जानेवारी २०२१, सिडनी ४) चौथी कसोटी- १५ ते १९ जानेवारी, २०२१, गाबा ( पहिली डे नाइट कसोटी भारतीय वेळेनुसार सकाळी ९.३० वाजता. सुरु होईल. तर अन्य तीन सामने पहाटे ५ वाजता सुरू होणार आहेत) भारताच्या या दौऱ्यातील सर्व सामन्याचे लाइव्ह प्रक्षेपण सोनी सिक्स आणि डीडी स्पोट्स वर होणार आहे. या शिवाय Sony LIVवर लाइव्ह स्ट्रीमिंग होईल. कसोटी मालिका फक्त सोनी सिक्स आणि Sony LIV वर दिसेल. या शिवाय भारतीय संघ दोन सराव सामने खेळणार आहे. या सामन्याचे लाइव्ह प्रक्षेपण क्रिकेट ऑस्ट्रेलियाच्या अॅपवर केले जाणार आहे. भारत आणि ऑस्ट्रेलिया यांच्या लढतीचे LIVE UPDATE आणि स्कोअरकार्ड महाराष्ट्र टाइम्सच्या वेबसाइटवर तुम्ही पाहू शकता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/39fKBqz
No comments:
Post a Comment