सिडनी, AUS vs IND: ऑस्ट्रेलियाविरुद्धच्या महत्वाच्या सामन्यात श्रेयस अय्यरने स्वस्तात आपील विकेट गमावली. श्रेयस ज्यापद्धतीने बाद झाला, ते पाहून चाहत्याांनी त्याला सोशल मीडियावर जबरदस्त ट्रोल करायला सुरुवात केले आहे. श्रेयसने डोळे बंद करून आपली विकेट गमावली, असे चाहत्यांचे म्हणणे आहे. श्रेयस जेव्हा फलंदाजीला आला तेव्हा भारताने ९.३ षटकांमध्ये दोन विकेट्स गमावल्या होत्या. भारताने कर्णधार विराट कोहली आणि सलामीवीर मयांक अगरवालला गमावले होते. त्यानंतर श्रेयसकडून भारताच्या चाहत्यांना मोठी अपेक्षा होती. पण त्यानंतर श्रेयसला फक्त दोन चेंडूंचाच सामना करता आला. आपल्या पहिल्या चेंडूवर श्रेयसने दोन धावा काढल्या आणि त्यानंतरच्या चेंडूवर तो विचित्रपणे बाद झाला. श्रेयसची या सामन्यात नेमकी चुक काय झाली, पाहा... जोश हेझलवूड हा ऑस्ट्रेलियाचा वेगवान गोलंदाज आग ओकत होता. हेझलवूडनेच भारताच्या दोन फलंदाजांना माघारी धाडले होते. हेझलवूडने नवव्या षटकातील पाचव्या चेंडूवर एक बाऊन्सर टाकला. त्यावेळी श्रेयसने हा बाऊन्स सोडून द्यायला हवा होता. पण या बाऊन्सचा सामना करताना श्रेयसचे डोळे बंद झाल्याचे पाहायला मिळाले आणि तो फटका मारायला गेला. यावेळी श्रेयसच्या बॅटची कडा घेऊन चेंडू यष्टीरक्षकाच्या हातामध्ये विसावला. त्यामुळे श्रेयसला फक्त दोन धावा करता आल्या आणि भारताला तिसरा धक्का बसला. श्रेयस ज्यापद्धतीने आऊट झाला ते पाहिल्यावर चाहत्यांनी त्याला सोशल मीडियावर ट्रोल करायला सुरुवात केली आहे. आयपीएलमध्ये खेळताना श्रेयस चांगली फलंदाजी करतो, पण भारताकडून खेळताना मात्र त्याला चांगली फलंदाजी करता येत नाही, असा टोलाही यावेळी चाहत्यांनी लगावला आहे. त्याचबरोबर श्रेयसबाबत बरेच मिम्स यावेळी सोशल मीडियावर पाहायला मिळत आहेत. यजमान ऑस्ट्रेलियाने पाहूण्या भारतीय संघाचे धमाकेदार स्वागत केले आहे. भारताविरुद्धच्या वनडे मालिकेतील पहिल्या सामन्यात ऑस्ट्रेलियाने प्रथम फलंदाजी करत ६ बाद ३७५ धावा केल्या आहेत. ऑस्ट्रेलियाकडून कर्णधार एरॉन फिंच आणि स्टीव्ह स्मिथ यांनी शानदार शतकी खेळी केली. तर डेव्हिड वॉर्नरने अर्धशतक केले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3q2VNNb
No comments:
Post a Comment