सिडनी, : सूर्यकुमार यादवला ऑस्ट्रेलियासाठीच्या भारतीय संघात स्थान न मिळाल्यावर चाहत्यांनी कर्णधार विराट कोहलीला चांगलेच ट्रोल केले होते. पण आता कोहलीसाठी सूर्यकुमारने एक ट्विट केले होते. त्यानंतर चाहत्यांनी सोशल मीडियावर सूर्यकुमारला चांगलेच ट्रोल केल्याचे पाहायला मिळाले. ऑस्ट्रेलियाविरुद्धच्या दुसऱ्या एकदिवसीय सामन्यात कोहलीने आंतरराष्ट्रीय क्रिकेटमध्ये सर्वात जलद २२ हजार धावा पूर्ण केल्या होत्या. यावेळी कोहलीने भारताचा माजी महान क्रिकेटपटू सचिन तेंडुलकरचा विक्रम मोडला. कोहलीने सचिनचा विक्रम मोडल्यावर सूर्यकुमारने एक ट्विट केले होते. पण या ट्विटनंतर चाहत्यांनी त्याचा चांगलाच समाचार घेतल्याचे पाहायला मिळाले. चाहते सूर्यकुमारला नेमकं काय म्हणाले, पाहा... सूर्यकुमार यादवने यावेळी ट्विटमध्ये म्हटले होते की, " आंतरराष्ट्रीय क्रिकेटमध्ये सर्वात जलद २२ हजार धावा करणाऱ्या कोहलीचे अभिनंदन." त्यानंतर सूर्यकुमारने अजून एक ट्विट केले होते. त्यामध्ये भारतीय संघाला कोहली आणि राहुल विजय मिळवून देतील, असेही सूर्यकुमारने म्हटले होते. पण या दोन्ही ट्विट्सनंतर सूर्यकुमार हा चांगलाच ट्रोल झालेला पाहायला मिळाला. चाहत्यांनी यावेळी सूर्यकुमार हा कोहलीला संघात घेण्यासाठी मस्का लावत असल्याचे बऱ्याच चाहत्यांनी म्हटले आहे. काही दिवसांपूर्वी सूर्यकुमारने कोहलीबाबतच्या एका वादग्रस्त ट्विटला लाइक केले होते. त्यानंतर चाहत्यांनी सूर्यकुमाराला ट्रोल करायला सुरुवात केली होती. हे सर्व पाहिल्यावर सूर्यकुमारने आपले मन बदलले आणि त्या ट्विटला सूर्यकुमारने अनलाइक केले होते. त्यानंतर आता पुन्हा एकदा चाहत्यांनी सूर्यकुमारला सोशल मीडियावर ट्रोल करायला सुरुवात केली आहे. त्यामुळे आता सूर्यकुमार आपल्या या ट्विट्सबाबत नेमका काय निर्णय घेतो, याची उत्सुकता नक्कीच चाहत्यांना असेल. विराट कोहलीच्या नेतृत्वाखाली भाराताने ऑस्ट्रेलियातील एकद्वसीय मालिका गमावली आहे. पण या पराभवानंतर कोहलीच्या नावावर एक नकोसा विक्रम जमा झाला आहे. कोहलीच्या नेतृत्वाखाली भारताची एवढी वाईट परिस्थिती कधीच नव्हती. त्याचबरोबर गेल्या १५ वर्षांमधील भारताची ही लाजीरवाणी कामगिरी आहे. यापूर्वी भारतीय संघ न्यूझीलंडच्या दौऱ्यावर गेला होता. त्यावेळी भारताला तीन एकदिवसीय सामन्यांमध्ये पराभव पत्करावा लागला होता. त्यानंतर ऑस्ट्रेलियाविरुद्ध झालेल्या दोन एकदिवसीय सामन्यांत भारताला दोन सामने गमवावे लागले आहेत. त्यामुळे कोहलीच्या नावावर आता सलग पाच पराभव जमा झालेले आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2KOtUZ7
No comments:
Post a Comment