नवी दिल्ली : भारताच्या एका वेगवान गोलंदाजाने काही दिवसांपूर्वी निवृत्तीचा निर्णय घेतला होता. या गोलंदाजाने निवृत्तीचा निर्णय घेतल्यावर काही जणांना आश्चर्याचा धक्का बसला होता. पण आपण नेमका निवृत्तीचा निर्णय का घेतला याचा खुलासा या गोलंदाजाने केलेला आहे. भारताचा वेगवान गोलंदाज सुदीप त्यागीने काही दिवसांपूर्वी निवृत्तीचा निर्णय घेतला होता. पण सुदीपने निवृत्तीचा निर्णय का घेतला, याचे उत्तर काही जणांना मिळत नव्हते. त्यामुळे सुदीपच्या निवृत्तीमुळे चाहत्यांमध्ये संभ्रमाचे वातावरण निर्माण झाले होते. पण सुदीपने आपल्या निवृत्तीबाबतचा खुलासा केला आहे. आपल्याला विदेशी क्रिकेट लीगमध्ये खेळता यावे, यासाठी सुदीपने निवृत्तीचा निर्णय घेतला आहे. सुदीपला कोणत्या लीगमधून आहे खेळण्याची ऑफर, पाहा... जोपर्यंत भारतीय क्रिकेटमधून निवृत्ती घेत नाही तोपर्यंत खेळाडूला विदेशी लीगमध्ये खेळता येत नाही. त्यामुळे सुदीपने निवृत्ती घेण्याचा निर्णय घेतला आहे. सुदीपला श्रीलंका प्रीमिअर लीगमध्ये खेळण्याची ऑफर आली आहे. आज श्रीलंका प्रीमिएर लीगचे उद्घाटन होणार आहे. त्यामुळे यापूर्वीच सुदीपने निवृत्तीचा निर्णय घेतल्याचे समजत आहे. बीसीसीआयचा नियम नेमका काय सांगतो...विदेशी क्रिकेट लीगमध्ये खेळायचे असेल तर त्यासाठी बीसीसीआयने नियम बनवले आहेत. जोपर्यंत एखादा खेळाडू भारतीय क्रिकेटमधून निवृत्ती घेत नाही तोपर्यंत त्याला विदेशी क्रिकेट लीगमध्ये खेळता येऊ शकत नाही. त्यामुळे या नियमांमुळे सुदीपने निवृत्तीचा निर्णय घेतला आहे. सुदीपने भारताकडून चार एकदिवसीय आणि एक ट्वेन्टी-२० सामना खेळला होता. त्यानंतर या मंगळवारी सुदीपने आपल्या निवृत्तीची घोषणा केली. सुदीपने ट्विटरवरून या गोष्टीची माहिती सर्वांना दिली आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3fo5p07
No comments:
Post a Comment