स्लेजिंग मास्टर ऑस्ट्रेलिया डर्टी गेमसाठी तयार; पाहा कधी झाले होते वाद

India Tour of Australia 2020: भारतीय संघ वनडे, टी-२० आणि कसोटी मालिकेसाठी ऑस्ट्रेलिया दौऱ्यावर पोहोचली आहे. २७ नोव्हेंबरपासून ३ सामन्यांच्या वनडे मालिकेला सुरूवात होणार आहे. त्यानंतर ३ सामन्यांची टी-२० मालिका आणि मग ४ सामन्यांची कसोटी होणार आहे. मालिका सुरू होण्यापूर्वी ऑस्ट्रेलियाचे प्रशिक्षक जस्टिन लॅगर यांनी सांगितले की मैदानावर चुकीचे वर्तन होणार नाही. पण स्लेजिंग होऊ शकते आणि हीच विरुद्ध संघाची रणनिती असेल. ऑस्ट्रेलियाचा संघ स्लेजिंग मास्टर मानले जातात. क्रिकेटच्या मैदानावर शांत राहणारा आणि गॉड ऑफ क्रिकेट अशी ओळख असलेल्या सचिन तेंडुलकरला देखील सोडले नव्हते. भारताच्या या आगामी दौऱ्याआधी जाणून घेऊयात ऑस्ट्रेलियाच्या क्रिकेटपटूंनी भारताच्या कोणत्या खेळाडूसोबत कधी आणि कोव्हा स्लेजिंग केले होते.

स्लेजिंग मास्टर ऑस्ट्रेलिया

india tour of australia 2020: भारतीय संघ वनडे, टी-२० आणि कसोटी मालिकेसाठी ऑस्ट्रेलिया दौऱ्यावर पोहोचली आहे. २७ नोव्हेंबरपासून ३ सामन्यांच्या वनडे मालिकेला सुरूवात होणार आहे. मालिका सुरू होण्यापूर्वी ऑस्ट्रेलियाचे प्रशिक्षक जस्टिन लॅगर यांनी सांगितले की मैदानावर चुकीचे वर्तन होणार नाही. पण स्लेजिंग होऊ शकते आणि हीच विरुद्ध संघाची रणनिती असेल. ऑस्ट्रेलियाचा संघ स्लेजिंग मास्टर मानले जातात. क्रिकेटच्या मैदानावर शांत राहणारा आणि गॉड ऑफ क्रिकेट अशी ओळख असलेल्या सचिन तेंडुलकरला देखील सोडले नव्हते. भारताच्या या आगामी दौऱ्याआधी जाणून घेऊयात ऑस्ट्रेलियाच्या क्रिकेटपटूंनी भारताच्या कोणत्या खेळाडूसोबत कधी आणि कोव्हा स्लेजिंग केले होते.

​ग्लेन मॅग्रा विरुद्ध सचिन तेंडुलकर

ग्लेन मॅग्रा विरुद्ध सचिन तेंडुलकर

ऑस्ट्रेलियाचा दिग्गज जलद गोलंदाज ग्लेन मॅग्रा नेहमी विरुद्ध संघाच्या सर्वात चांगल्या खेळाडूशी वाद घालून त्याला बाद करण्यात पटाइत होता. वर्ल्डकपसह अनेक वेळा त्याने सचिन तेंडुलकर विरुद्ध स्लेजिंगचा वापर केला आहे. २००० साली आयसीसी ट्रॉफीत सचिने मॅग्राच्या स्लेजिंगचे उत्तर बॅटसह तोंडाने देखील दिले होते. या सामन्यात सचिनने मॅग्राची धुलाई केली होती. सचिन मैदानावर कधीच प्रतिस्पर्धी संघातील खेळाडूंसोबत वाद घालत नाही. पण यावेळी त्याने मॅग्राला तोंडी उत्तर दिले होते.

​हरभजन सिंग आणि अॅड्र्यू सायमंड्स

हरभजन सिंग आणि अॅड्र्यू सायमंड्स

२००८ साली सिडनी कसोटी सामना कोणीच विसरू शकणार नाही. या कसोटी भारताने ऑस्ट्रेलियावर वचर्स्व मिळवले होते. सचिन तेंडुलकर आणि हरभजन सिंग यांनी आठव्या विकेटसाठी १२९ धावा केल्या होत्या. यामुळे ऑस्ट्रेलियाची डोकेदुखी वाढली होती. हरभजनला बाद करण्यासाठी सायमंड्सने त्याच्या विरुद्ध स्लेजिंग सुरू केली. जेव्हा ६३ धावांवर हरभजन बाद झाला तेव्हा बाहेर जाताना तो काही तरी पुटपुटला. यालाच ऑस्ट्रेलिया संघाने मंकीगेटचे नाव दिले. या वादाची चर्चा नंतर बराच काळ होत होती.

​शिखर धवन विरुद्ध शेन वॉट्सन

शिखर धवन विरुद्ध शेन वॉट्सन

ऑस्ट्रेलियाचा माजी क्रिकेटपटू शेन वॉट्सन देखील अनेक वेळा प्रतिस्पर्धी संघातील खेळाडूंशी वाद घालतो. २०१३ साली ऑस्ट्रेलियात झालेल्या द्विपक्षीय मालिकेच्या फायनलमध्ये शिखर धवनने स्लेजिंगची जबाबदारी स्वत:कडे घेतली. सामन्यात वॉट्सनला दुखापत झाली होती. त्यामुळे त्याला निट चालता येत नव्हते. धवन त्याच्या चालण्याची नकल करत होता. तो पुन्हा पुन्हा तसे करू लागल्याने वॉट्सन आणि त्याच्यात वाद झाला. नंतर सुरेश रैनाने देखील वॉट्सनची नकल केली होती.

​मिशेल जॉनसन विरुद्ध विराट कोहली

मिशेल जॉनसन विरुद्ध विराट कोहली

२०१४च्या कसोटी मालिकेत जेव्हा विराट कोहलीने मिशेल जॉनसनला एका पाठोपाठ एक चौकार मारले. तेव्हा जॉनसनने चेंडू विराट आणि विकेटच्या दिशेने गरज नसताना मारला. विराटला कल्पना नव्हती की तो चेंडू मारणार आहे आणि जॉनसनने मारलेला त्याला चेंडू लागला. त्यावर त्याने नाराजी व्यक्त केली. जॉनसनने सॉरी म्हटले. पण ऑस्ट्रेलियाच्या खेळाडूंचे हेच धोरण असते. या घटनेनंतर विराट अधिक आक्रमक झाला आणि संपूर्ण मालिकेत बॅटीने त्याचा समाचार घेतला.

​रोहित शर्मा विरुद्ध डेव्हिड वॉर्नर

२०१५च्या वनडे मालिकेत मेलबर्न येथील लढतीत रोहित शर्मा आणि डेव्हिड वॉर्नर यांच्यात वाद झाला होता. ऑस्ट्रेलियाच्या विकेटकिपर हेडिनकडून जेव्हा थ्रो सुटला तेव्हा रोहितने ओव्हर थ्रो साठी धाव घेतली. तेव्हा वॉर्नर आणि रोहित यांच्यात वाद झाला. त्याने रोहितला इंग्रजीमध्ये बोलण्यास सांगितले. यावर रोहित देखील भडकला. यात अंपायर्सनी हस्तक्षेप केला आणि परिस्थिती नियंत्रणात आणली. नंतर वॉर्नरने मान्य केले की चूक त्याची होती. रोहित सोबत वाद घालण्याची गरज नव्हती, असे तो म्हणाला.

​​विराट कोहली विरुद्ध जेम्स फॉकनर

विराट कोहली विरुद्ध जेम्स फॉकनर

भारताचा कर्णधार विराट कोहली तसा आक्रमक स्वभावासाठी ओळखला जातो. पण प्रतिस्पर्धी खेळाडूच्या स्लेजिंगचा त्याच्यावर काही परिणाम होत नाही हे त्याने अनेकदा दाखवून दिले आहे. २०१६ साली मेलबर्न येथे झालेल्या वनडे मालिकेत जेम्स फॉकनर विराट कोहलीशी भिडला. विराटने फॉकनरला समजावले की, अशा गोष्टींमुळे मी माझी विकेट गमवणार नाही. त्यामुळे वेळ वाया न घालवता गोलंदाजीवर लक्ष दे. त्यानंतर देखील फॉकनर काही ना काही बडबडत राहिला. या सामन्यात विराटने ११७ धावा केल्या होत्या.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2J90eFh