नवी दिल्ली : आरसीबीचा धडाकेबाज फलंदाज एबी डिव्हिलियर्सच्या घरी एक आनंदाची बातमी आली आहे. डिव्हिलियर्सच्या घरी पाळणा हलला असून त्याला कन्यारत्न झाले आहे. पण यावेळी डिव्हिलियर्स आणि त्याच्या बायकोसहीत कन्येचा फोटो सोशल मीडियावर चांगलाच व्हायरल झाला आहे. डिव्हिलियर्स आणि त्याची पत्नी डॅनियल यांनी आपल्या मुलीबरोबरचा फोटो सोशल मीडियावर शेअर केला आहे. या फोटोखाली डिव्हिलियर्सने काही गोष्टी लिहिल्या आहेत. डिव्हिलियर्सने लिहिले आहे की, " आमच्या विश्वात एका सुंदर कन्येचे आम्ही स्वागत करत आहोत. आम्ही या कन्येचे नाव येंते ठेवले आहेत. तुम्ही आमच्या कुटुंबांना आशिर्वाद द्या. तुमच्या या शुभेच्छांबद्दल आम्ही आभारी आहोत." यापूर्वी डिव्हिलियर्सला दोन मुलं आहेत. डिव्हिलियर्सच्या घरी तिसऱ्यांदा पाळणा हलला आहे. यापूर्वी डिव्हिलियर्सला दोन अपत्य आहेत. डिव्हिलियर्सला २०१५ साली पहिले अपत्य झाले होते. २०१५ साली डिव्हिलियर्सला मुलगा झाला होता. डिव्हिलियर्सने त्याचे नाव जॉन रिचर्ड डि विलियर्स, असे ठेवले होते. त्यानंतर डिव्हिलियर्सला २०१७ साली दुसरा मुलगा झाला होता. त्यानंतर आता २०२० साली डिव्हिलियर्सला मुलगी झाली आहे. डिव्हिलियर्सच्या घरी ११ नोव्हेंबरला पाळणा हलला होता. पण डिव्हिलियर्सने आज आपली पत्नी आणि मुलीबरोबरचा फोटो सोशल मीडियावर शेअर केला आहे. या फोटोला चाहत्यांनी चांगलीच पसंती दिली आहे. त्यामुळे हा फोटो चांगलाच व्हायरल झालेला पाहायला मिळत आहे. यावर्षी आयपीएलमध्ये खेळताना डिव्हिलियर्सने दमदार कामगिरी केली होती. आपल्या धडाकेबाज फलंदाजीमुळे डिव्हिलियर्स या आयपीएलमध्ये पुन्हा चर्चेत आला होता. पण डिव्हिलियर्सला फलंदाजीमध्ये सातत्य ठेवता आले नव्हते. आरसीबीच्या संघाने या हंगामात चांगली कामगिरी केली होती. पण त्यांना क्लालिफायर-२ सामन्यापर्यंत पोहोचता आले नव्हते. त्यामुळे आतापर्यंतच्या १३ हंगामात आरसीबीच्या संघाला एकदाही जेतेपद पटकावता आलेले नाही. आरसीबी संघातील डिव्हिलियर्सचा सहकारी आणि कर्णधार विराट कोहलीच्या घरी जानेवारी महिन्यात पहिल्यांदाच पाळणा हलणार आहे. त्यामुळे कोहली ऑस्ट्रेलियाच्या दौऱ्यातील फक्त एक कसोटी सामना खेळून भारतामध्ये दाखल होणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3nTie5R
No comments:
Post a Comment