IPL 2020 मधील पहिली निवृत्ती; चेन्नईचा सलामीवीर यापुढे खेळणार नाही

चेन्नई: आयपीएलचा १३वा हंगाम चेन्नई सुपर किंग्जसाठी सर्वात वाइट असा ठरला. आजपर्यंत प्रत्येक स्पर्धेत प्ले ऑफमध्ये पोहोचलेल्या या संघाला या वर्षी गुणतक्त्यात ७व्या स्थानावर समाधान मानावे लागले. चेन्नईने अखेरच्या तीन सामन्यात विजय मिळवला असला तरी संपूर्ण स्पर्धेत त्यांना फार काही चमक दाखवता आली नाही. वाचा- आयपीएलमधील अखेरच्या साखळी लढतीत विजय मिळवल्यानंतर कर्णधार महेंद्र सिंह धोनीने कोअर टीममध्ये बदल करणार असल्याचे म्हटले होते. गेल्या काही वर्षात चेन्नईला धमाकेदार सुरूवात करून देणारा आणि ऑस्ट्रेलियाचा सलामीवीर याने आयपीएलसह सर्व प्रकारच्या लीग स्पर्धेतून निवृत्त होत असल्याचे जाहीर केले आहे. वाचा- चेन्नई सुपर किंग्जने किंग्ज इलेव्हन पंजाबवर विजय मिळवल्यानंतर संघ व्यवस्थापनाला सर्व प्रकारच्या क्रिकेटमधून निवृत्त होत असल्याचे सांगितले. ऑस्ट्रेलियाच्या या माजी सलामीवीराने याआधीच आंतरराष्ट्रीय क्रिकेटमधून निवृत्ती घेतली आहे. चेन्नई संघाने त्यांच्यावरील दोन वर्षाची बंदी उठवल्यानंतर २०१८ मध्ये वॉट्सनला संघात स्थान दिले होते. २०१८च्या अंतिम फेरीत वॉट्सनने शतक झळकावले होते आणि चेन्नईला तिसऱ्यांदा विजेतेपद मिळवून दिले होते. अखेरच्या सामन्यानंतर जेव्हा वॉट्सनने सीएसकेच्या ड्रेसिंग रुममध्ये निवृत्त होत असल्याचे सांगितले तेव्हा तो खुप भावनिक झाला होता. चेन्नई संघाकडून खेळण्याची संधी मिळणे हे माझ्यासाठी स्पेशल अशी गोष्ट होती, असे सूत्रांनी टाईम्स ऑफ इंडियाला सांगितले. वाचा- चेन्नईकडून खेळण्याआधी वॉट्सन आयपीएलमध्ये राजस्थान रॉयल्स आणि रॉयल चॅलेंजर्स बेंगळुरूकडून खेळला होता. राजस्थानला २००८ साली पहिले विजेतेपद मिळून देण्यात महत्त्वाची भूमिका पार पाडली होती. ३९ वर्षीय वॉट्सनने ऑस्ट्रेलियाकडून ५९ कसोटी, १९० वनडे आणि ५८ टी-२० सामने खेळले आहेत. तर आयपीएलमध्ये त्याने १४५ सामने खेळले असून त्यापैकी ४३ सामने चेन्नईसाठी खेळले आहेत. वाचा- या वर्षा देखील वॉट्सनने चेन्नईकडून काही सामन्यात महत्त्वाची खेळी केली होती. किंग्ज इलेव्हन पंजाबविरुद्ध त्याने नाबाद ८३ धावा केल्या होत्या. २०१८च्या अंतिम सामन्यातील शतका शिवाय त्याने २०१९ मधील मुंबई इंडियन्स विरुद्ध झालेल्या अंतिम सामन्यात धमाकेदार फलंदाजी केली होती. पण त्या सामन्यात चेन्नईला एक धावाने पराभव स्विकारावा लागला होता. धोनी आणि वॉट्सन यांची मैत्री देखील खास होती. निवृत्तीची घोषणा करताना त्याने २०२१च्या आयपीएलसाठी संघाची नव्याने बांधणी करण्यासाठी शुभेच्छा दिल्या.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/34OZ22n