असे फक्त रोहित शर्माचा करू शकतो; ६ वर्षे झाली कोणी विक्रमाजवळ पोहोचू शकले नाही

नवी दिल्ली: भारतीय संघाचा सलामीवीर जेव्हा फलंदाजीला उतरतो तेव्हा तो सुरुवात फार वेगाने करत नाही. पण एकदा सेट झाल्यानंतर मात्र त्याला रोखने अशक्य ठरते. फलंदाजी असो की गोलंदाजी रोहित तुटून पडतो. म्हणूनच त्याला हिटमॅन असे नाव पडले आहे. नुकत्याच पार पडलेल्या आयपीएल २०२०मध्ये रोहितने मुंबई इंडियन्सला पाचव्यांदा विजेतेपद मिळवून दिले. टी-२० क्रिकेटमध्ये सर्वाधिक शतक करण्याचा विक्रम रोहितच्या नावावर आहे. पण या शिवाय रोहितने क्रिकेटमध्ये एकाच सामन्यात दोन विक्रम केले होते. जे आजपर्यंत कोणालाही मोडता आले नाहीत. वाचा- वाचा- श्रीलंकेचा संघ २०१४ साली पाच सामन्यांच वनडे मालिका खेळण्यासाठी भारतात आला होता. भारतने मालिका ३-०ने जिंकली होती. दुखापतीमुळे बाहेर असलेल्या रोहितला चौथ्या सामन्यात संधी मिळाली. या सामन्यात त्याने वनडे क्रिकेटच्या इतिहासातील एव्हरेस्ट खेळी केली. त्याने केलेले विक्रम आजपर्यंत कोणाला मोडता आले नाहीत. रोहितने एकट्याने जितक्या धावा केल्या तितक्या धावा श्रीलंकेच्या ११ खेळाडूंना करता आल्या नाहीत. कोलकाताच्या इडन गार्डन्स मैदानावर रोहीतने दोन विश्वविक्रम केले होते. वाचा- रोहित शर्माने वनडे क्रिकेटमधील दुसरे द्विशतक पूर्ण केले. तेव्हा वनडे क्रिकेटमध्ये दोन द्विशतक करणारा तो पहिला खेळाडू ठरला होता. हा विक्रम नंतर रोहितनेच मोडला. रोहितनेव लंकेच्या गोलंदाजांच धुलाई केली आणि २६४ धावा केल्या. वनडे क्रिकेटमध्ये त्याआधी कोणत्याही फलंदाजाने इतकी मोठी धावसंख्या केली नव्हती. गेल्या सहा वर्षात रोहितच्या या विक्रमाच्या आसपास कोणी पोहोचले नाही. स्वत: रोहितने या नंतर एक द्विशतक केले होते. पण तो देखील स्वत:च्या विक्रमाजवळ पोहोचू शकला नाही. वाचा- १३ नोव्हेंबर २०१४ रोजीच्या रोहितच्या या वादळी खेळीने भारताने ५० षटकात ५ बाद ४०४ धावा केल्या. बदल्यात लंकेला १५३ धावाच करता आल्या. रोहित शर्माच्या धावांपेक्षा श्रीलंकेचा संघ १३ धावांनी पिछाडीवर राहिला.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2UvcwtT