पुण्याच्या ऋतुराज गायकवाडने केला खास विक्रम; चेन्नईच्या दिग्गजांना १२ हंगामात जमले नाही

नवी दिल्ली: २०२० चेन्नई सुपर किंग्जसाठी आजवरचा सर्वात खराब हंगाम गेला. प्ले ऑफमध्ये न पोहोचण्याची ही त्यांची पहिलीच वेळ आहे. चेन्नईचे स्पर्धेतील आव्हान संपुष्ठात आल्यानंतर कर्णधार महेंद्र सिंह धोनीने काही बदल गेले जे पुढील वर्षासाठीच्या दृष्टीने होते. वाचा- चेन्नईने साखळी फेरीतील अखेरच्या तीन सामन्यात विजय मिळवला. या तिनही सामन्यात सुपर किंग्जला एक स्टार फलंदाज सापडला. महाराष्ट्राकडून खेळणाऱ्या पुण्याच्या ऋतुराज गायकवाड( )ने सलग तीन अर्धशतक झळकावली आहेत. अशी कामगिरी करणारे या हंगामातील तो पहिला अनकॅप खेळाडू ठरला आहे. इतक नव्हे तर आयपीएलच्या इतिहासात चेन्नई सुपर किंग्जकडून सलग तीन अर्धशतक करणारा तो पहिला खेलाडू ठरला आहे. वाचा- आयपीएलमध्ये चेन्नई संघाची कामगिरी किती धडाकेबाज आहे हे सांगण्याची गरज नाही. पण चेन्नईच्या कोणत्याही दिग्गज फलंदाजाला जे करता आले नाही ते ऋतुराजने करून दाखवले. या हंगामात ऋतुराजने ६ सामने खेळले त्यात २०४ धावा केल्या. त्याचा स्ट्राइक रेट १२०.७१ असा होता. वाचा- स्पर्धा सुरू होण्याआधी चेन्नई संघातील ज्या खेळाडूंना करोनाची लागण झाली होती. त्यात ऋतुराजचा समावेश होता. त्यानंतर तीन सामन्यात तो अपयशी ठरला. पण अखेरच्या ३ लढतीत चेन्नईच्या विजयात महत्त्वाची भूमिका त्याने बजावली. अखेरच्या ३ लढतीमधील ऋतुराजच्या धावा किंग्ज इलेव्हन विरुद्ध - नाबाद ६२ नाइट रायडर्स विरुद्ध - ७२ रॉयल चॅलेंजर्स विरुद्ध- नाबाद ६५ जाणून घ्या ऋतुराजबद्दल... शैलीदार फलंदाज असलेल्या ऋतुराजने १९ व्या वर्षी देशांतर्गत क्रिकेटमध्ये पदार्पण केले. २०१६-१७ मध्ये त्याची महाराष्ट्राच्या रणजी संघात निवड झाली. इंडिया ए कडून त्याने प्रथम श्रेणीत पदार्पण केले. २०१९ साली इंग्लंड लायन्स विरुद्ध तो खेळला होता. त्याची सुरुवात चांगली झाली नव्हती. तो गोल्डन डक म्हणजे पहिल्या चेंडूवर शून्यावर बाद झाला होता. पण त्यानंतर ऋतुराजने करिअर योग्य दिशेने पुढे नेले. वाचा- भारत ए कडून खेळताना त्यांने श्रीलंका ए आणि वेस्ट इंडिज ए विरुद्ध ११२.८३च्या सरासरीने ६७७ धावा केल्या. त्याचा स्ट्रइक रेट ११६.७२ होता. ऋतुराजची धावसंख्या नाबाद ८७, नाबाद १२५ ९४, ८४,७४,३,८५, २० आणि ९९ अशी होती. ऑक्टोबर २०१८ साली देवधर ट्रॉफीत भारत ब संघात त्याची निवड झाली होती. डिसेंबर २०१८ झाली ते एमसीसीच्या एमर्जिंग टीममध्ये होता. वाचा- डिसेंबर २०१८ साली चेन्नई सुपर किंग्जने २० लाखच्या बेस प्राइसवर ऋतुराजला विकत घेतले होते. पण त्याला खेळण्याची संधी मिळाली नाही. या हंगामात मिळालेल्या संधीचा त्याने भरपूर फायदा घेतला. आयपीएल सुरू होण्याआधी त्याला करोनाची लागण झाली होती. पण करोनावर मात करून फिट होऊन तो परत आला. ऋतुराजचा जन्म ३१ जानेवारी १९९७ रोजी पुण्यात झाला. त्याचे वडील डीआरडीओमध्ये अधिकारी आहेत. तर आई शिक्षिका आहे.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/34MTKnQ