SRH vs MI IPL 2020: मुंबईने विजय मिळवावा हीच ती कोलकाताची इच्छा; सनरायजर्ससाठी करो वा मरो लढत

शारजा: आयपीएलच्या १३व्या हंगामात आज साखळी फेरीतील अखेरची लढत होणार आहे. हंगामातील ५६वी लढत विरुद्ध ( vs ) यांच्यात होणार आहे. या अखेरच्या साखळी लढतीनंतरच प्ले ऑफमधील चौथा संघ कोणता असेल हे ठरणार आहे. मुंबई इंडियन्सने याआधीच १८ गुणांसह पहिले स्थान मिळवले आहे. त्यामुळे सनरायजर्स विरुद्धच्या सामन्यातील पराभवाने त्यांच्यावर काही फरक पडणार नाही. या उटल हैदराबादसाठी या सामन्यातील विजय प्ले ऑफमध्ये जागा निश्चित करू शकतो. वाचा- हैदराबादने गेल्या दोन सामन्यात दिल्ली कॅपिटल्स आणि रॉयल चॅलेंजर्स बेंगळुरू यांचा पराभव करून प्ले ऑफच्या शर्यतीतील आव्हान कायम ठेवले होते. आज जर त्यांनी मुंबईचा पराभव केला तर प्ले ऑफमधील जागा निश्चित होईल. याचा अर्थ सध्या गुणतक्त्यात चौथ्या क्रमांकावर असलेला कोलकाता नाइट रायडर्स स्पर्धे बाहेर होईल. सनरायजर्सचे नेट रनरेट प्लस मध्ये असून कोलकाताचे ऋण आहे. वाचा- सनरायजर्सचा विकेटकिपर आणि आक्रमक फलंदाज जॉनी बेयरस्टोला बाहेर ठेवण्याचा अवघड निर्णय घेतला होता. पण त्यानंतर संघ अधिक समतोलित झाला आहे. ऋद्धिमान साहाने सलामीवीर म्हणून अधिक चांगली कामगिरी केली आहे. सचिन तेंडुलकरने देखील त्याच्या कामगिरीचे कौतुक केले आहे. बेयरस्टोला बाहेर बसवून वेस्ट इंडिजचा अष्ठपैलू खेळाडू जेसन होल्डरला संघात जागा दिली आहे. होल्डर फलंदाजी आणि गोलंदाजी दोन्हीत उपयोगी पडू शकतो. रॉयल चॅलेंजर्सविरुद्ध होल्डर आणि संदीप शर्मा यांनी चांगील गोलंदाजी केली होती. वाचा- मुंबईने विजय मिळवावा... या सामन्याच्या निकालावर कोलकाताचे प्ले ऑफमधील स्थान निश्चित होणार आहे. सनरायजर्सचे नेट रनरेट +०.५५५ इतके असून कोलकाताचे -०.२१४ इतके आहे. जर हैदराबादने मुंबईचा पराभव केला तर ते तिसऱ्या स्थानावर जातील. दिल्लीने बेंगळुरूचा पराभव करून १६ गुणांसह दुसरे स्थान पक्के केले आहे. दिल्लीविरुद्ध बेंगळुरूचा पराभव झाला असला तरी त्यांचे नेट रनरेट कोलकातापेक्षा चांगले आहे. त्यामुळे ते पहिल्या चार मध्ये नक्की असतील. आज हैदराबाद विजयी झाल्यास ३ संघांचे १४ गुण होतील. अशा परिस्थिती हैदराबाद तिसऱ्या तर बेंगळुरू चौथ्या स्थानावर राहिल. वाचा- आजच्या लढतीत दोन्ही संघांचे पारडे समान असल्याचे दिसते. मुंबई आणि हैदराबाद यांच्यात आतापर्यंत १५ लढती झाल्या असून यात मुंबईने ८ तर हैदराबादने ७ लढती जिंकल्या आहेत. या हंगामात मुंबईचा विकेटकिपर आणि सलामीवीर क्विंटन डी कॉकने १३ सामन्यात सर्वाधिक ४१८ तर सनरायजर्सकडून कर्णधार डेव्हिड वॉर्नरने सर्वाधिक ४४४ धावा केल्या आहेत. गोलंदाजीत जसप्रित बुमराहने १३ लढतीत २३ तर सनरायजर्सकडून राशिद खानने १८ विकेट घेतल्या आहेत. संभाव्या संघ मुंबई इंडियन्स- कायरन पोलार्ड, इशान किशन, क्विंटन डी कॉक, सूर्यकुमार यादव, सौरभ तिवारी, हार्दिक पांड्या, क्रुणाल पांड्या, जेम्स पॅटिनसन, राहुल चाहर, ट्रेंट बोल्ट, जसप्रीत बुमराह. सनरायजर्स हैदराबाद-डेव्हीड वॉर्नर, ऋद्धिमान साहा, मनिष पांडे, केन विलियमसन, अभिषेक शर्मा, जेसन होल्डर, अब्दुल समद, राशिद खान, एम नदीम, संदीप शर्मा, टी.नटराजन

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/35YjxJd