मुंबई : मुंबई इंडियन्सचा अष्टपैलू खेळाडू कृणाल पंड्याला गुरुवारी मुंबई विमानतळावर महसूल संचालनालयने कारवाई केल्याचे पाहायला मिळाले होते. कृणाल हा आयपीएल संपल्यावर युएईहून मुंबईला दाखल झाला होता. कृणालने बेहिशेबी खरेदी दुबईमध्ये केली होती. त्यामुळे त्याला ताब्यात घेण्यात आले होते. पण कृणालने किती कोटींचे सोने आणि मौल्यवान वस्तू खरेदी केल्या होत्या, पाहा... काय सांगतो नियम...जर पुरुष प्रवासी हा दुबईहून भारतामध्ये येत असेल तर त्याला फक्त २० ग्राम सोने आणता येऊ शकते. या सोन्याची किंमत ५० हजार रुपयांपेक्षा जास्त असून नये, असा नियम आहे. पण जर एखादी महिला दुबईहून भारतामध्ये येत असेल तर ती ४० ग्रॅम सोने आणू शकते, पण त्याची किंमत एक लाख रुपयांपेक्षा जास्त असून नये, असा नियम आहे. कृणालने युएईमधून येताना तब्बल एक कोटी रुपयांचे सोने आणि मौल्यवान वस्तू खरेदी केल्या होत्या. कृणालने जे युएईमधून सोने घेतले त्याची माहिती त्याने उघड केली नव्हती. त्याचबरोबर या सोन्याबरोबर काही मौल्यवान गोष्टीही कृणालने आणल्या आहेत, ज्यांची माहिती त्याने उघड केलेली नव्हती. कृणालने जी खरेदी केली होती ती नियमांमध्ये बसत नव्हती. त्यामुळे मुंबई विमानतळावर कृणालला महसूल संचालनालयने ताब्यात घेतले होते. महसूल संचालनालयने ताब्यात घेतल्यावर कृणालला आपण नेमके काय काय खरेदी केले आहे, याची यादी द्यावी लागली. त्याचबरोबर जी नियमांमध्ये न बसणारी खरेदी होती त्याचा दंड त्याला भरावा लागला. हा दंड भरल्यानंतरच महसूल संचालनालयने त्याची मुंबई विमानतळावरून सुटका केली होती. कर्णधार रोहित शर्माच्या धडाकेबाज अर्धशतकाच्या जोरावर मुंबई इंडियन्सने यावेळी आयपीएलच्या जेतेपदाला गवसणी घातली. या अंतिम फेरीत दिल्ली कॅपिटल्सने मुंबईच्या संघापुढे १५७ धावांचे आव्हान ठेवले होते. पण रोहितच्या धमाकेदार खेळीच्या जोरावर मुंबईने हे आव्हान लीलया पेलले आणि जेतेपद पटकावले. मुंबईचे हे पाचवे जेतेपद ठरले, आतापर्यंत आयीएलमध्ये एकाही संघाला पाचवेळा जेतेपद पटकावता आले नाही. रोहितने यावेळी ५१ चेंडूंत पाच चौकार आणि चार षटकारांच्या जोरावर ६८ धावांची दमदार खेळी साकारली आणि मुंबईच्या संघाने पाच विकेट्स राखत सहज जेतेपद मिळवले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3nk02Sh
No comments:
Post a Comment