सिडनी: आपल्या क्रिकेटपटूंना चक्क 'एअरलिफ्ट' करण्याची वेळ आता ऑस्ट्रेलियाच्या क्रिकेट मंडळावर आल्याचे पाहायला मिळत आहे. करोनाचा प्रभाव अॅडलेड येथे वाढलेला पाहायला मिळत आहे. त्यामुळे ऑस्ट्रेलियाचा कर्णधार टीम पेन आणि मार्नस लाबुशेन यांना अॅडलेड येथून एअर लिफ्टकरून थेट न्यू साऊथ वेल्सला पाठवण्यात आले आहे. भारताचा पहिला सामना २७ नोव्हेंबरला होणार आहे. त्यामुळे जर परिस्थिती अशीच भयंकर असेल तर ही मालिका संकटात सापडू शकते, असे म्हटले जात आहे. ऑस्ट्रेलियाच्या क्रिकेट मंडळाचे मुख्य कार्यकारी अधिकारी निक हॉक्ले यांनी यावेळी सांगितले की, " गेल्या २४ तासांमध्ये ऑस्ट्रेलियातील काही भागांत करोना रुग्णांची संख्या झपाट्याने वाढली आहे. करोनाचा हा वाढता प्रभाव पाहता आम्ही काही सुरक्षेचे उपाय करायचे ठरवले आहे. त्यामुळेच ऑस्ट्रेलियाच्या काही क्रिकेटपटूंसह सपोर्ट स्टाफला आम्ही दुसऱ्या ठिकाणी हवलण्याचा निर्णय घेतला आहे. खेळाडू आणि सपोर्ट स्टाफ यांनी जे सहकार्य केले त्यामुळेच ही गोष्ट शक्य होऊ शकली आहे." भारतीय संघ सध्या ऑस्ट्रेलियाच्या दौऱ्यावर आहे. येत्या २७ तारखेपासून दोन्ही संघात ३ सामन्यांची वनडे मालिका सुरू होईल. त्यानंतर ३ सामन्यांची टी-२० मालिका आणि मग चार सामन्यांची कसोटी मालिका सुरू होणार आहे. पश्चिम ऑस्ट्रेलिया, तस्मानिया आणि क्विनंसलँड यांनी आपल्या सीमारेषा बंद केल्या आहेत. भारत आणि ऑस्ट्रेलिया मालिकेचे वेळापत्रक जाणून घ्या आणि हे सामने कुठे पाहाल.... वनडे मालिका१) पहिली वनडे- २७ नोव्हेंबर, सिडनी २) दुसरी वनडे- २९ नोव्हेंबर, सिडनी ३) तिसरी वनडे- २ डिसेंबर, मानकुआ ओव्हल (हे सर्व सामने भारतीय वेळेनुसार सकाळी ९.१० वाजता सुरू होतील) टी-२० मालिका१) पहिली टी-२०: ४ डिसेंबर, मानकुआ ओव्हल २) दुसरी टी-२०: ६ डिसेंबर, सिडनी ३) तिसरी टी-२०: ८ डिसेंबर, सिडनी (हे सर्व सामने भारतीय वेळेनुसार दुपारी १.४० वाजता सुरू होतील) सराव लढती ६ ते ८ डिसेंबर- सराव सामना, ड्रमोनी ओव्हल, सिडन ११-१३ डिसेंबर- सराव सामना (डे-नाइड), सिडनी कसोटी मालिका १) पहिली कसोटी- १७ ते २१ डिसेंबर, एडिलेड ओव्हल- डे/नाईट २) दुसरी कसोटी- २६ ते ३० डिसेंबर, मेलबर्न ३) तिसरी कसोटी- ७ ते ११ जानेवारी २०२१, सिडनी ४) चौथी कसोटी- १५ ते १९ जानेवारी, २०२१, गाबा ( पहिली डे नाइट कसोटी भारतीय वेळेनुसार सकाळी ९.३० वाजता. सुरु होईल. तर अन्य तीन सामने पहाटे ५ वाजता सुरू होणार आहेत).
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2IN41rX
No comments:
Post a Comment