नवी दिल्ली : भारताचा कर्णधार हा पुन्हा एकदा चांगलाच ट्रोल व्हायला लागला आहे. यावेळी एक टी-शर्ट याचे कारण ठरले आहे. या टी-शर्टमध्ये असं आहे तरी काय, जेणेकरून चाहत्यांनी कोहलीला सोशल मीडियावर ट्रोल करायला सुरुवात केली आहे. विराट कोहलीने ट्विटरवर आपला एक फोटो शेअर केलेला आहे. या फोटोमध्ये कोहलीने पांढऱ्या रंगाचे टी-शर्ट परिधान केले आहे आणि त्यावर पिवळ्या रंगाची डिझाइन आहे. त्याचबरोबर कोहलीच्या मांडीवर यावेळी लॅपटॉपही ठेवलेला आहे. त्याचबरोबर कोहलीने आपल्या फोटोसोबत काही ओळीही लिहिल्या आहे. कोहलीने या फोटोवर लिहिले आहे की, " या टी-शर्टला इस्त्री करण्याची गरज नाही. हे टी-शर्ट चांगलेच आरामदायी आहे." चाहत्यांनी यावेळी विराटला चांगलेच धारेवर धरले आहे. चाहत्यांनी यावेळी म्हटले आहे की, " विराट हे सर्व करण्यापेक्षा तू क्रिकेटवर जास्त लक्ष केंद्रीत कर नाहीतर रोहित शर्मा हा भारताचा कर्णधार व्हायला वेळ लागणार नाही." त्याचबरोबर काही चाहत्यांनी या चुरलेल्या टी-शर्टवरही कमेंट्स केल्या आहेत. चांगल्या कंपनीचे टी-शर्ट वापरत जा, जेणेकरून असे टी-शर्ट वापरण्याची वेळ तुझ्यावर येणार नाही. काही दिवसांपूर्वी कोहली हा ट्विटरवरील एका व्हिडीओमुळे चांगलाच ट्रोल झाला होता. प्रदुषण करू नका आणि त्यामुळेच दिवाळीमध्ये फटाके फोडू नका, असे आवाहान भारताचा कर्णधार विराट कोहलीने ट्विटरच्या माध्यमातून सर्वांना केले होते. पण कोहलीचाच एक व्हिडीओ चांगलाच व्हायरल होत आहे. यामध्ये कोहलीला फटाके किती आवडतात हे दिसत आहे. त्यामुळे चाहते आता कोहलीला चांगलेच ट्रोल करत असून त्याची ट्विटरवर चांगलीच शाळा घेतल्याचे पाहायला मिळत आहे. विराट कोहलीने दिवाळीच्या पहिल्याच दिवशी एक व्हिडीओ ट्विटरवर पोस्ट केला होता. या पोस्टमध्ये कोहली म्हणाला होता की, " आपण सर्वांनी पर्यावरणाचे रक्षण करायला हवे. त्यामुळे यावर्षी दिवाळीमध्ये तुम्ही फटाके फोडू नका. त्याचबरोबर दिवाळी घरी दिवे लावून साजरी करा. आपल्या जवळच्या व्यक्तींना मिठाई देऊन त्यांचे तोंड गोड करा." पण यानंतर कोहली चांगलाच ट्रोल व्हायला लागला. आता तर कोहलीला फटाके किती आवडतात, याचा एक व्हिडीओ चांगलाच व्हायरल झालेला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3pxqmup
No comments:
Post a Comment