आयपीएलमधील संघ विकत घेण्यासाठी अदानी ग्रुपसह भारतातील मोठे व्यावसायिक शर्यतीत

नवी दिल्ली : आयपीएलमध्ये पुढच्या वर्षी नवीन संघांचा समावेश होऊ शकतो, असे म्हटले जात आहे. या नवीन संघांच्या शर्यतीमध्ये आता भारतातील मोठा बिझनेस ग्रुप शर्यतीत असल्याचे म्हटले जात आहे. अदानी ग्रुप आता आयपीएलमधील संघ विकत घेण्यासाठी उत्सुक असल्याचे समजत आहे. त्याचबरोबर भारतातील एक मोठे व्यावसायिकही या शर्यतीत असल्याचे समजते आहे. मुंबई मिररने दिलेल्या वृत्तानुसार, आयपीएलमधील पुढच्या वर्षीचे संघ विकत घेण्यासाठी अदानी ग्रुपसह संजीव गोएंकाही प्रयत्नशील असल्याचे म्हटले जात आहे. पुढच्या वर्षीच्या आयपीएलचा संघ विकत घेण्यासाठी अदानी आणि संजीव गोएंका यांचा ग्रुप इच्छूक असल्याचे पाहायला मिळत आहे. संजीव गोएंका ग्रुपने आयपीएलमधील रायझिंग पुणे सुपरजायंट्स हा संघ विकत घेतला होता. पण हा संघ आयपीएलमध्ये २०१६ आणि २०१७ या दोन वर्षांमध्येच दिसला. २०१६ साली पुण्याच्या संघाचे नेतृत्व करण्याची जबाबदारी महेंद्रसिंग धोनीवर सोपवण्यात आली होती. पण या वर्षी संघाला चांगली कामगिरी करता आली नाही. या वर्षी संघाला प्ले-ऑफमध्येही पोहोचता आले नाही. त्यानंतर या संघाचे कर्णधारपद बदलण्यात आले होते. पुण्याच्या संघाने २०१७ साली महेंद्रसिंग धोनीकडून नेतृत्व काढून घेतले होते. त्यानंतर पुण्याच्या संघाचे नेतृत्व करण्याची जबाबदारी स्टीव्हन स्मिथवर सोवण्यात आली होती. या वर्षी पुण्याचा संघ अंतिम फेरीत पोहोचला होता. अंतिम फेरीत पुण्याच्या संघापुढे मुंबई इंडियन्सचे आव्हान होते. हा अंतिम सामना चांगलाच रंगला होता. हा अंतिम सामना अखेरच्या चेंडूपर्यंत गेला होता. पण यावेळी मुंबई इंडियन्सने पुण्याच्या संघावर मात करत आयपीएलचे जेतेपद पटकावले होते. पुढच्या वर्षी जर आयपीएलमध्ये नवीन संघ दाखल झाले तर बीसीसीआयला मोठा लिलाव करावा लागणार आहे. पण पुढच्या वर्षी नेमके किती संघ आयपीएलमध्ये दाखल करायचे याचा विचारही बीसीसीआयला करावा लागणार आहे. सध्याच्या घडीला तरी बीसीसीआय एकच संघ आयपीएलमध्ये दाखल करू शकते, असे म्हटले जात आहे. त्यामुळे पुढच्या वर्षी आयपीएलमध्ये नेमके किती संघ असतील, याची उत्सुकता चाहत्यांना असेल.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3nnO7mA