यंदाची निराशा: या वेळीही धोनी असे करू शकतो

( )आणि त्याचा () संघ यंदाच्या आयपीएल () मध्ये सपशेल अपयशी ठरले. आपण पुढील आयपीएलमध्ये चेन्नई सुपर किंग्जकडून खेळणार असल्याचे धोनीने स्पष्ट करून त्याच्या निवृत्तीच्या चर्चेला पूर्णविराम दिला आहे. मात्र, अचानक निर्णय घेऊन चाहत्यांना धक्का देण्यात तरबेज आहे. या वेळीही तो असे करू शकतो. अर्थात, पुढील आयपीएलपर्यंत शारीरिक आणि मानसिक तंदुरुस्ती तो कशी राखतो.... यावर सारे काही अवलंबून आहे. वाचा- घसरण चेन्नई सुपर किंग्जने यंदाच्या मोसमात १४ पैकी ६ सामने जिंकले. त्यांची सातव्या क्रमांकावर घसरण झाली. स्पर्धेत त्यांचे आव्हान सर्वांत आधी संपुष्टात आले. साखळीतील अखेरच्या तीन लढती जिंकल्याने ‘चेन्नई’ने तळाचे स्थान टाळले. आयपीएल इतिहासातील चेन्नई सुपर किंग्जची ही सर्वांत निराशाजनक कामगिरी राहिली. प्रथमच आयपीएलला बाद फेरी गाठण्यात यश आले नाही. वाचा- केवळ सात षटकार धोनी सध्या ३९ वर्षांचा आहे. शांत डोक्याने खेळ करून लढत शेवटपर्यंत घेऊन जिंकून द्यायची, हा धोनीचा फॉर्म्युला या वेळी सपशेल अपयशी ठरला. पॉवरप्लेमध्ये अपेक्षित धावा न करणे... मधल्या षटकांत धावगती मंदावणे... यामुळे ‘चेन्नई’ने यंदाच्या मोसमात लढती थोडक्यात गमावल्या. धोनीने यंदाच्या मोसमात १४ सामन्यांत केवळ २०० धावा केल्या. यात त्याची सर्वोच्च खेळी नाबाद ४७ धावांची ठरली. धोनीचा स्ट्राइक रेट होता ११६.२७चा. त्याला केवळ १६ चौकार व ७ षटकारच ठोकता आले. यंदाच्या आयपीएलमध्ये सर्वाधिक धावा करणाऱ्या फलंदाजांमध्ये तो ३९व्या स्थानावर राहिला. आक्रमक धोनी बघण्याची चाहत्यांची इच्छा या वेळी काही पूर्ण झाली नाही. वाचा- चेन्नईची आयपीएलमधील कामगिरी वर्ष साखळीतील स्थिती अंतिम निकाल २००८ -तिसरा क्रमांक उपविजेता २००९- दुसरा क्रमांक उपांत्य फेरी २०१०- तिसरा क्रमांक विजेता २०११- दुसरा क्रमांक विजेता २०१२- चौथा क्रमांक उपविजेता २०१३- पहिला क्रमांक उपविजेता २०१४- तिसरा क्रमांक प्ले-ऑफ २०१५- पहिला क्रमांक उपविजेता २०१६- निलंबन २०१७- निलंबन २०१८- दुसरा क्रमांक विजेता २०१९- दुसरा क्रमांक उपविजेता २०२०- सातवा क्रमांक साखळीत गारद वाचा- ‘याआधीच्या १३ आयपीएलपैकी यंदाचे एकच वर्ष चेन्नईसाठी वाईट गेले. त्यांनी तीनवेळा ही स्पर्धा जिंकली आहे. ही कामगिरीही काही कमी नाही. यंदाच्या मोसमातील पराभवाचे ते विश्लेषण करतील अन् अडचणींवर तोडगा काढतील. धोनी शारीरिक आणि मानसिकदृष्ट्या कसा आहे, यावर त्याचे पुढील मोसमात खेळणे अवलंबून असेल. याबाबत निश्चित असे तोच सांगू शकतो’ - किरण मोरे, माजी यष्टीरक्षक केवळ आयपीएल ते आयपीएल धोनी खेळला, तर निश्चित त्याच्याकडून अपेक्षित कामगिरी होणार नाही. त्याने देशांतर्गत क्रिकेटमध्ये खेळण्याचा विचार करावा. - कपिलदेव, माजी कर्णधार दृष्टिक्षेप... - २०१९च्या वनडे वर्ल्ड कपमधील उपांत्य फेरीनंतर धोनी आयपीएलच्या निमित्ताने प्रथमच स्पर्धात्मक खेळला. काही सामन्यांत तो खालच्या क्रमांकावर आल्याने अनेकांना आश्चर्य वाटले. याआधी धावांचा यशस्वी पाठलाग करण्यासाठी धोनी अनेकदा वरच्या क्रमांकावर फलंदाजीस आलेला आहे. - यंदाच्या आयपीएलमध्ये धोनीला एकही अर्धशतक ठोकता आले नाही. या आयपीएलमध्ये मागील काही लढतींत धोनीने १, नाबाद १९, १६, २८, ३, २१, १०, ११ अशा धावा केल्या. वाचा- पाच महिन्यांत आयपीएल? तांत्रिकदृष्ट्या अवघ्या पाच महिन्यानंतर आयपीएलचा चौदावा मोसम सुरू होणे अपेक्षित आहे. आयपीएल दर वर्षी एप्रिल-मेदरम्यान होत असते. या वेळी करोनामुळे आयपीएल सप्टेंबर-नोव्हेंबरदरम्यान यूएईत झाली. करोनाचा प्रभाव कमी झाला, तर पुढील वर्षी एप्रिल-मेदरम्यान आयपीएल भारतातच होईल. अर्थात, पुढील वर्षाची आयपीएलही करोनामुळे पुढे ढकलण्यात आली, तर धोनीच्या खेळण्यावर नक्कीच प्रश्नचिन्ह निर्माण होऊ शकते.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/38XA3w7