कराची : भारताची टेनिसपटू सानिया मिर्झा आता पाकिस्तानात पोहोचली आहे. सानियाचा पती शोएब मलिक हा पाकिस्तानमध्ये सुपर लीग खेळत आहे. त्यामुळे शोएबला पाठिंबा द्यायला सानिया ही पाकिस्तानमध्ये पोहोचल्याचे पाहायला मिळत आहे. शोएबचा १५ नोव्हेंबरला वाढदिवस होता. त्यावेळी सानिया पाकिस्तानमध्ये त्याला भेटण्यासाठी गेली होती. या सानियाने यावेळी शोएबचा वाढदिवस साजरा केल्याचे पाहायला मिळत आहे. या सेलिब्रेशनचा एक व्हिडीओ आता चांगलाच व्हायरल झालेला पाहायला मिळत आहे. शोएब हा पाकिस्तान सुपर लीगमध्ये पेशावर झाल्मी या संघाकडून खेळत आहे. त्यामुळे सानिया येथील नॅशनल क्रिकेट स्टेडियमवर आपल्या मुलासह शोएबला पाठिंबा देण्यासाठी गेली होती. सानियाने शोएबचा सामना पाहिला आणि या सामन्यादरम्यान ती आपल्या पतीला पाठिंबाही देत होती. सानियाचे नॅशनल क्रिकेट स्टेडियममधील फोटोही चांगलेच व्हायरल झालेले पाहायला मिळत आहेत. करोनाच्या काळात लॉकडान सुरु होते. त्यावेळी सानिया आपल्या मुलासह भारतामध्येच होती, तर शोएब हा पाकिस्तानमध्ये होता. या लॉकडाऊनमुळे या दोघांना सहा महिने भेटला आले नव्हते. पण लॉकडाऊन शिथल झाल्यावर शोएब सानिया आणि आपल्या मुलाला भेटायला भारतामध्ये आल्याचे म्हटले जात होते. यासाठी त्याने पाकिस्तानच्या क्रिकेट मंडळाकडे सुट्टीही मागितली होती. लॉकडाऊन शिथिल झाल्यावर पाकिस्तानचा संघ हा इंग्लंडच्या दौऱ्यावर जाणार होता. त्यावेळी शोएब हा पाकिस्तानच्या संघाबरोबर इंग्लंडच्या दौऱ्यावर गेला नव्हता. पाकिस्तानमधून शोएब हा पहिल्यांदा भारतामध्ये आला होता. त्यावेळी त्याने काही काळ पत्नी सानिया आणि मुलाबरोबर व्यतित केला. त्यानंतर शोएब हा इंग्लंडच्या दौऱ्यावर गेला होता. पण आता शोएब पाकिस्तानमध्ये सुपर लीग ही स्पर्धा खेळत आहे. त्याचबरोबर शोएबचा वाढदिवसही होता. त्यामुळे सानिया शोएबला वाढदिवस साजरा करण्यासाठी पाकिस्तानला गेली आहे. त्याचबरोबर शोएबचे सामने पाहायलाही ती पाकिस्तानध्ये थांबलेली आहे. त्यामुळे सध्याच्या घडीला सानियाची पाकिस्तानात जाण्याची जोरदार चर्चा सोशल मीडियावर सुरु झाली आहे. काही चाहत्यांनी सानियाला ट्रोल केल्याचेही पाहायला मिळत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2H7Ou5d
No comments:
Post a Comment