अहमदाबाद, : इंग्लंडविरुद्धच्या चौथ्या ट्वेन्टी-२० सामन्यात भारताच्या रोहित शर्माच्या नावावर एका पराक्रमाची नोंद झाली आहे. कारण आंतरराष्ट्रीय क्रिकेटमध्ये अशी कामगिरी करणारा रोहित हा फक्त तिसराच फलंदाज ठरला आहे. भारताकडून ट्वेन्टी-२० सामन्यात षटकाराने सुरुवात करणारा रोहित हा पहिलाच खेळाडू ठरला आहे. त्याचबरोबर एकूण ट्वेन्टी-२० क्रिकेटमध्ये रोहितच्या नावावर आता ९ हजार धावा जमा झाल्या आहेत. चौथ्या ट्वेन्टी-२० सामन्यात रोहित शर्मा १२ धावांवर बाद झाला. ट्वेन्टी-२० क्रिकेटमध्ये २८०० धावा पूर्ण करण्यासाठी रोहितला यावेळी फक्त १२ धावांची गरज होती. कारण रोहितच्या नावावर सध्याच्या घडीला २७८८ धावा झाला होत्या. त्यामुळे या सामन्यात १२ धावा करत रोहितने आंतरराष्ट्री ट्वेन्टी-२० क्रिकेटमधील २८०० धावा पूर्ण केल्या आहेत. आंतरराष्ट्रीय क्रिकेटमध्ये २८०० धावा पूर्ण करणारा रोहित हा फक्त तिसराच खेळाडू ठरला आहे. रोहितला पहिल्या दोन्ही ट्वेन्टी-२० सामन्यांमध्ये विश्रांती देण्यात आली होती. त्यानंतर तिसऱ्या ट्वेन्टी-२० सामन्यात रोहितचे भारतीय संघात पुनरागमन झाले. या सामन्यात रोहितला १५ धावांवर समाधान मानावे लागले होते. पण आता चौथ्या ट्वेन्टी-२० सामन्यात १२ धावा केल्यामुळे रोहित शर्माला आंतरराष्ट्रीय क्रिकेटमध्ये २८०० धावा पूर्ण करता आल्या.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3qSPr2g
No comments:
Post a Comment