पुणे, : भारतीय संघाची चिंता आता चांगलीच वाढलेली आहे. कारण भारताच्या दोन महत्वाच्या खेळाडूंना गंभीर दुखापत झाली आहे. श्रेयस अय्यरला आता हॉस्पिटलमध्ये नेण्यात आले आहे, तर जबर मार बसल्यामुळे रोहित शर्माही मैदानाबाहेर आहे. क्षेत्ररक्षण करत असताना श्रेयसच्या खांद्या जबर मार बसला होता. त्यानंतर त्याला मैदानाबाहेर नेण्यात आले होते. पण त्याची दुखापत गंभीर स्वरुपाची असल्यामुळे त्याला हॉस्पिटलमध्ये नेण्यात आले आहे. भारताचा वेगवान गोलंदाज शार्दुल ठाकूर हे आठवे षटक टाकत होता. या षटकाच्या चौथ्या चेंडूवर इंग्लंडच्या जॉनी बेअरस्टोने जोरदार फटका लगावला. हा चेंडू आता सीमापार जाणार आणि इंग्लंडला चार धावा मिळणार, असे दिसत होते. पण त्यावेळी भारताच्या श्रेयस अय्यरने यावेळी हवेत झेप घेतली आणि चेंडू थांबवण्याचा प्रयत्न केला. अय्यरने यावेळी दमदार झेप घेत चेंडू रोखला आणि भारतासाठी दोन धावा वाचवल्या. पण यावेळी श्रेयसला गंभीर दुखापत झाली आहे. ही दुखापत गंभीर स्वरुपाची असल्यामुळे त्याला थेट मैदानाबाहेर नेण्यात आले. आता हॉस्पिटलमध्ये त्याची वैद्यकीय चाचणी करण्यात येणार आहे. या चाचणीचा अहवाल आल्यावरच त्याच्या खेळण्याबाबतचा निर्णय घेण्यात येणार आहे. पण श्रेयस आजच्या सामन्यात खेळणार नसल्याचे स्पष्ट करण्यात आले आहे. फलंदाजी करत असताना रोहितच्या हाताला दुखापत झाली होती. त्यावेळी मैदानात डॉक्टरांनी धाव घेतली होती आणि रोहितवर उपचार केले होते. त्यानंतर रोहित काही काळ फलंदाजी करत असल्याचे पाहायला मिळाले. पण रोहित त्यानंतर जास्त धावा करु शकला नाही आणि तो बाद झाला. त्यानंतर क्षेत्ररक्षण करत असताना रोहित मैदानात दिसला नाही. त्यामुळे त्याच्या दुखापतीचे स्वरुप नेमके काय आहे, हे अजूनपर्यंत समजू शकलेले नाही. भारताचे हे दोन्ही महत्वाचे खेळाडू आता दुखापतग्रस्त झाले आहे. या सामन्यात हे दोघेही क्षेत्ररक्षण करायला उतरतील, असे सध्याच्या घडीला तरी दिसत नाही. पण हे दोघे खेळाडू इंग्लंडविरुद्धच्या दुसऱ्या एकदिवसीय क्रिकेट सामन्यात खेळणार की नाही, याबाबत अजूनही स्पष्टता झालेली नाही. त्यामुळे आता दुसऱ्या सामन्याच्या नाणेफेकीच्यावेळी ते संघात आहेत की नाही, हे स्पष्ट होऊ शकेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3cbOiyw
No comments:
Post a Comment