अहमदाबाद, : मुंबई इंडियन्सच्या एका महत्वाच्या खेळाडूला आज भारतीय संघाकडून खेळण्याची संधी मिळाली आहे. आज इंग्लंडविरुद्धच्या चौथ्या ट्वेन्टी-२० सामन्यात त्याला दुसरा आंतरराष्ट्रीय सामना खेळता येणार आहे. आजच्या सामन्यासाठी इशान किशनला संघाबाहेर ठेवण्यात आले. पण त्याचवेळी मुंबई इंडियन्सचा फिरकीपटू राहुल चहरचा यावेळी संघात प्रवेश झाला आहे. राहुलचा हा दुसरा आंतराराष्ट्रीय सामना असणार आहे. फिरकीपटू युजवेंद्र चहलला यावेळी संघातून बाहेर काढण्यात आले आहे आणि त्याच्या जागी राहुलला संघात स्थान देण्यात आले आहे. त्याचबरोबर मुंबई इंडियन्सच्या सूर्यकुमार यादवचे या संघात पुनरागमन झाले आहे. इंग्लंडविरुद्धच्या चौथ्या ट्वेन्टी-२० सामन्यासाठी भारतीय संघाची निवड करण्यात आली आहे आणि सर्वांनाच मोठा धक्का बसला. कारण चौथ्या सामन्यासाठी सातत्याने अपयशी ठरलेल्या लोकेश राहुलला पुन्हा एकदा संधी देण्यात आली, पण इशान किशनला मात्र संघातून बाहेर करण्यात आले. भारतीय संघासाठी हा सामना सर्वात महत्वाचा आहे. कारण हा सामना भारताने गमावला तर त्यांचे या मालिकेतील आव्हान संपुष्टात येणार आहे. त्याचबरोबर इंग्लंडला या मालिकेत विजयी आघाडी घेऊ शकते. त्यामुळे चौथ्या सामन्यात भारतीय संघात कोणाची निवड होते, याकडे सर्वांचेच लक्ष लागलेले होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3qZG4Om
No comments:
Post a Comment